play_arrow
KT Radio Real Talk, Great Music
Mu karere ka Rubavu ibigo nderabuzima n’ibitaro byatangiye ubwirinzi bwa Ebola kugira ngo abagana ibyo bigo bashobore kumenya abarwayi babagana uko bahagaze.
Ni umwanzuro wafashwe ndetse ushyirwa mu bikorwa nyuma y’uko mu mugi wa Goma habonetse abandi barwayi ba Ebola, ndetse n’ingamba zo kwiinda zigakazwa ku mupaka.
Mu kiganiro umunyamakuru wa KT radio yagiranye n’umuyobozi w’ibitaro bya Rubavu Dr Lt Col William Kanyankore yatangaje ko gupima ebola kubagana ibigo nderabuzima n’ibitaro ari ukumenya uko ababagana bahagaze cyane ko hari aho abaganga bagiye bicwa na ebola kubera batirinze.
Lt Col Kanyankore arakomeza asobanura uko ebola yandura n’igihe uwayanduye ashobora kwanduza abandi.
Nyuma y’uko mu mujyi wa Goma hagaragaye umuntu wa kabiri wishwe n’icyorezo cya Ebola, bigatuma ku ruhande rw’u Rwanda bafata ingamba zo kwirinda amazi atararenga inkombe, ubu urujya n’uruza ni ibisanzwe hagati y’abaturage b’impande zombie. Ku murongo wa telephone Sylidio Sebuharara mu karere ka Rubavu yavuganye na Gasana Marcellin ahagana saa kumi z’umugoroba atubwira ko ibintu byasubiye mu buryo.
Post comments (0)