Perezida Kagame yafunguye ku mugaragaro Singita Kwitonda Lodge

Kuri uyu wa kane tariki 01 Kanama 2019, Perezida w’u Rwanda Paul Kagame yayoboye umuhango wo gufungura k’umugaragaro Singita Kwitonda Lodge iherereye mu murenge wa Nyange mu karere ka Musanze ahitegeye ibirunga bya sabyinyo, Gahinga na Muhabura.
Ni hotel yubatswe mu gihe cy’imyaka 6, aho ije kuba igisubizo ku iterambere ry’ubukerarugendo mu Rwanda aho igiye kujya icumbikira abasura Pariki baza gusura ingagi n’inizdi n’ibindi byiza nyaburanga biboneka mu ntara y’Amajyaruguru.
Mu ijambo rye Nyakubahwa Perezida wa Repuburika, yashimiye umushoramari wo muri Afurika y’epfo wagize igitekerezo cyo gushora imari mu Rwanda, asaba ubuyobozi n’abaturage bo mu ntara y’amajyaruguru gukora cyane bihaza mu biribwa, mu guhaza isoko ry’abagana u Rwanda.