MIG irahumuriza abanyamigabane bayo bakekaga ko yabambuye

Isosiyete y’ishoramari ‘Multisector Investment Group’ (MIG), irahumuriza abaturage bo mu turere twa Nyamagabe, Huye na Nyaruguru bakekaga ko imigabane baguze yaburiwe irengero.

Ni nyuma y’uko bamwe mu baturage bagaragarije ko kuva bagura imigabane muri iyo sosiyete, batarongera guhura n’ubuyobozi bwayo, ngo bamenyeshwe uko imigabane baguze ikoreshwa, niba yunguka cyangwa yarahombye.
Rwasa Roger, umuyobozi mukuru wa MIG avuga ko ibikorwa byayo bihari kandi byagutse cyane, ndetse ko imigabane y’abanyamuryango nayo ihari kandi yunguka.

Ku kibazo cy’uko abanyamigabane ba MIG batamenya amakuru ku mikoreshereze y’imigabane baguze, Rwasa avuga ko iyo hazaba inama rusange bimenyeshwa abanyamuryango binyuze mu matangazo anyuzwa ahantu hatandukanye.

Isosiyete MIG yashinzwe mu mwaka wa 2004, igamije gukora ishoramari ryari rigamije kurandura ubukene mu cyahoze ari Perefegitura ya Gikongoro, ubu ni mu turere twa Nyamagabe, Nyaruguru n’igice cy’akarere ka Huye.

MIG ifite abanyamigabane 890. Abenshi muri bo ni abaguze umugabane umwe (ibihumbi 10Frws), ariko hakaba n’abaguze imigabane igera ku bihumbi 99.

Umva inkuru irambuye hano:

Written by: KT Radio Team

Rate it

Nyaruguru: Abayobozi barasabwa kwirinda gutekinika imibare

Umuyobozi w'Akarere ka Nyaruguru, arasaba abayobozi mu nzego z’ibanze kureka ingeso yo guhimba imibare igaragaza abaturage bakeneye gufashwa, ibintu bimaze kumenyerwa nko gutekinika. François Habitegeko avuga ko gutanga imibare itariyo bivangira gahunda za leta, bigatuma abakeneye gufashwa batamenyekana, igihugu kikabihomberamo. Iki kibazo cyavuzweho mu nama mpuzabikorwa y'akarere ka Nyaruguru, yari ihuriyemo abayobozi guhera ku rwego rw'umudugudu n'abafatanyabikorwa b’akarere. Umva inkuru irambuye hano:

August 23, 2019