Abarenga 7000 barwaye kanseri mu Rwanda ntibivuza

Ikigo gishinzwe Ubuzima (RBC) kirasaba Abaturarwanda kwisuzumisha hakiri kare indwara zitandura zirimo na kanseri, kugira ngo batazajya kuyivuza bitagishobotse.

RBC ivuga ko abarwaye kanseri mu Rwanda ari benshi ugereranyije n’abamaze kwitabira kwivuza, ikaba ngo ifite impungenge z’uko abarenga ibihumbi 7000 bashobora guhitanwa na kanseri.

RBC ivuga ko abarwayi barenga 3,000 ku mwaka ari bo bajya kwa muganga kwivuza kanseri, nyamara imibare y’umwaka ushize y’Ishami ry’Umuryango w’abibumbye rishinzwe ubuzima(OMS) igaragaza ko mu Rwanda hari abantu barenga 10,000 barwaye kanseri.

Umuyobozi w’Ishami rya RBC rishinzwe gukurikirana indwara za kanseri, Dr Francois Uwinkindi avuga ko n’abo ibihumbi 3,000 baza barembye ku buryo nta cyizere cy’uko bazakira, kandi ko abenshi barwaye kanseri yica vuba ifata inkondo y’umura n’ibere.

Kugeza ubu Abanyarwanda barenga miliyoni ebyiri n’ibihumbi magana atanu barengeje imyaka 35 y’amavugo nk’uko ibarurishamibare ribigaragaza.

Aba bakaba ari bo basabwa kujya kwisuzumisha kanseri ku bigo nderabuzima cyangwa ku bitaro, kugira ngo batazajya kuyivuza bitagishobotse.

Umva inkuru irambuye hano:

Written by: KT Radio Team

Rate it

Kutabona amacumbi hafi bituma abaganga bo mu bitaro bya Butaro bataramba mu kazi

Guhera ku wa mbere wa kino cyumweru, Minisitiri w’intebe Dr Edouard NGIRENTE ari mu ruzinduko mu Intara y’Amajyaruguru. Uru ruzinduko yaruhereye mu karere ka Burera aho yasuye ibikorwa bitandukanye birimo ikaragiro ry’amata rya Burera Dairy, Hotel Burera Beach resort, n‘ibitaro byihariye bivura indwara ya Cancer bya Butaro. Muri bino bitaro, abaforomo bamugejejeho ikibazo cy’amacumbi, gituma badatanga serivisi ku buryo bukwiye, abandi bagahitamo gusezera akazi batamaze kabiri. Minisitiri w’intebe yishimiye ko […]

September 24, 2019 42