Abigisha mu nderabarezi bagiye gukorerwa isuzuma ry’icyongereza

Ikigo cy’igihugu cyita ku burezi (REB) gitangaza ko abarimu na bamwe mu bayobozi mu bigo by’amashuri y’inderabarezi (TTC) bagiye gukorerwa isuzumabumenyi ngo hagaragare ubushobozi bwabo mu rurimi rw’Icyongereza bigishamo.

Byatangajwe kuri uyu wa kabiri, ubwo icyo kigo cyashyikirizaga abayobozi b’ayo mashuri impamyabumenyi 3859 z’abayarangijemo mu mwaka wa 2019.

Umuyobozi mukuru wa REB, Dr Irénée Ndayambaje, avuga ko Icyongereza ari ururimi rwemejwe ko rugomba kumenywa neza mu mashuri, ari yo mpamvu yo kubanza gukora isuzumabumenyi muri za TTC.

Akomeza avuga ko nyuma y’icyo gikorwa, bazareba urwego buri muntu ariho bityo abari ku kigero cyo hasi bagenerwe amahugurwa azabazamurira igipimo cy’urwo rurimi gihuzwe n’ibikenewe mu mashuri.

Umva inkuru irambuye hano: