Nyagatare: Hadutse ubujura buherekejwe no gufata ku ngufu

Mu mudugudu wa Cyonyo akagari ka Bushoga ko mu murenge wa Nyagatare, , haravugwa abajura binjira mu mazu y’abaturage bakiba amafaranga, telefone no gufata ku ngufu abagore.

Umunyamabanga nshingwabikorwa w’umurenge Ingabire Jenny avuga ko abantu 2 bakekwaho ubwo bugizi bwa nabi bamaze gufatwa ariko iperereza riragoranye kuko abakorewe icyaha ntibagaragara ngo batange ikirego.

Muri uyu mudugudu wa Cyonyo ngo abantu 5 nibo bamaze kumenyakana batewe mu mazu ariko umwe akaba ariwe uzwi wafashwe ku ngufu.

Uretse umudugudu wa Cyonyo ubu bujura bwa telefone bwiyongeraho gufata ku ngufu abagore ngo buri no mu mudugudu wa Cyabahanga ndetse n’uwa Mirama ya mbere agace kegereye Cyonyo.