Polisi yafunze abagabo babiri bafashwe batwaye inzoga mu ikamyo yuzuye umucanga

Ku mugoroba wo ku itariki 21 Mata, Polisi ikorera mu Karere ka Musanze yafatanye abagabo babiri inzoga z’inkorano bari bapakiye munsi y’umucanga mu ikamyo.

Umuvugizi wa Polisi mu Ntara y’Amajyaruguru, CIP Alexis Rugigana, yatangarije Kigali Today ko abo bagabo bafashwe batwaye izo nzoga, nyuma y’amakuru yari yatanzwe n’abaturage.

Abo bagabo bafashwe, umwe yitwa Hakizimana Jean Claude wari utwaye iyo modoka na Ishimwe Yves bari kumwe, bombi bavuga ko izo nzoga bazihawe n’uwo bari bapakiriye umucanga abemerera amafaranga ibihumbi bitandatu.

CIP Rugigana, avuga ko abaturage bamaze kumenya ko COVID-19 ari indwara mbi kandi batifuza ko yakomeza gukwirakwizwa. Yasabye abaturage kwirinda amayeri bari gukoresha ngo banyuranye n’amabwiriza yashyizweho, babeshya inzego z’umutekano.

Umva inkuru irambuye hano:

Written by: KT Radio Team

Rate it

Rulindo: Inkangu yishe abantu bane

Abantu bane bo mu murenge wa Cyungo mu karere ka Rulindo, bishwe n’inkangu yatewe n’imvura yaraye igwa kugeza mu rukerera rwo kuri uyu wa gatatu tariki 22 Mata 2020. Inkangu yaridukanye inzu bari baryamyemo, ihitana umugore umwe n’abana batatu. Inzu yagwiriye ba nyakwigendera ni iy’umukecuru witwa Bugingo Devotha warokotse iyo mpanuka, ariko ihitana abuzukuru be batatu n’umwuzukuruza. umunyamakuru wacu mutuyimana servilien kuriyi nkuru y'incamugongo, yaganiriye n'umunyamabanga nshingwabikorwa w'umurenge wa cyungo […]

April 22, 2020 42