Amagi miliyoni yari yabuze abaguzi Leta igiye kuyagurira imiryango ikennye

Nyuma y’uko aborozi b’inkoko mu Ntara y’Amajyaruguru babuze isoko ry’umusaruro wabo w’amagi agera kuri miliyoni bitewe n’icyorezo cya COVID-19, Leta yafashe icyemezo cyo kuyagurira abana bari munsi y’imyaka itanu bo mu miryango ikennye.

Ni nyuma y’uko bamwe mu borozi bo mu mu Karere ka Gakenke baherutse kuganira na Kigali Today bakayitangariza ikibazo bafite cy’amagi asaga ibihumbi 300 abitse mu buhunikiro, nyuma yo gutakaza isoko rya Rubavu kubera ibibazo byatewe na COVID-19, inzira zambukiranya imipaka ntizibe zikiri nyabagendwa nk’uko byari bisanzwe.

Mu kiganiro Guverineri w’Intara y’Amajyaruguru Gatabazi Jean Marie Vianney yagiranye na Kigali Today, yavuze ko ayo magi agiye kugurwa na Leta ku giciro cy’amafaranga 60 ku igi rimwe, mu rwego rwo gufasha abo borozi, no gufasha abana bavuka mu miryango ikennye. Ubusanzwe igi rimwe ryaguraga barigurishaga kuri 80.

Umva inkuru irambuye hano:

Written by: KT Radio Team

Rate it

Amajyepfo: Hari abagicururiza inzoga mu ngo no mu mashyamba barenze ku mabwiriza

Ubuyobozi bw’Intara y’Amajyepfo buratangaza ko hari abacuruzi b’inzoga bafunze utubari ariko bakajya kuzicururiza mu ngo cyangwa mu mashyamba n’ahandi hihishe kandi bibujijwe. Umunyamabanga nshingwabikorwa w’Intara y’Amajyepfo Jabo Paul yabitangarije mu nama y’umutekano yabereye mu karere ka Muhanga hagati y’inzego z’umutekano n’iz’ubuyobozi bw’ibanze. Mu Ntara y’Amajyepfo harabarirwa abantu ibihumbi bine, barenze ku mabwiriza yo kwirinda COVID 19, bose hamwe bamaze gucibwa amande asaga miliyoni 60 frw. Umva inkuru irambuye hano:

April 27, 2020 8