Gakenke: Toni 10 za kawunga zabuze isoko zigiye guhabwa abanyamuryango ba COTUMU

Abahinzi bo mu karere ka Gakenke bagize Koperative COTUMU bahinga ibigori bakanabyongerera agaciro bamaze iminsi bafite ikibazo cya Kawunga ingana na toni 10 batunganyije, ikaba yaraheze mu bubiko bw’uruganda rwabo kubera ko isoko bari basanzwe bayigemuraho ryahagaze babura aho bayerekeza.

Mu mwaka wa 2018 nibwo aba bahinzi bujuje uruganda rwongerera agaciro igihingwa cy’ibigori rwatwaye miliyoni 125 z’amafaranga y’u Rwanda; rufite ubushobozi bwo gutunganya toni zitari munsi ya 7 ku munsi. Kubura isoko ry’iyo kawunga abanyamuryango ba Koperative barabibona nk’igihombo gikomeye mu gihe bari bacyiyubaka.

Ubuyobozi bw’Intara y’Amajyaruguru buvuga ko bwagiriye iyi koperative inama yo kuba buhaye abanyamuryango bayo iyi kawunga, aho kuyireka ngo yangirikire mu bubiko, noneho hakazabaho gukurikirana uko abayihawe bishyura buhoro buhoro.

Umva inkuru irambuye hano:

Written by: KT Radio Team

Rate it

Kugabanya ingendo zambukiranya imipaka ntibigomba kubangamira itwarwa ry’ibicuruzwa – Perezida Kagame

Perezida wa Repuburika Paul Kagame aravuga ko kugabanya ingendo zambukiranya imipaka bitagomba kubangamira itwarwa ry’ibicuruzwa bikenewe mu karere ka Africa y’Uburasirazuba no ku mugabane wa Afurika muri rusange. Perezida Kagame yabitangarije mu nama yabaye ku wa 29 Mata 2020 hifashishijwe ikoranabuhanga, ihuje abagize inama yaguye ya Bureau y’Umuryango wa Afurika Yunze Ubumwe n’abakuru b’imiryango y’uturere muri Afurika. Umva inkuru irambuye hano:

April 30, 2020 30