Ishyirahamwe ry’Abanyarwanda baba mu Bufaransa (CRF) rirasaba ko hakorwa iperereza ku bafashije Kabuga kwihisha ubutabera

Ishyirahamwe ry’Abanyarwanda baba mu Bufaransa (CRF) ryatanze ikirego mu Bushinjacyaha bwa Nanterre, basaba ko hakorwa iperereza ku bantu n’imiryango yabaye abafatanyacyaha mu gufasha Kabuga Felicien kutagezwa imbere y’ubutabera.
Felicien Kabuga, ni umunyarwanda w’umuherwe waranzwe no gushyigikira byimazeyo, gucura no gushyira mu bikorwa Jenoside yakorewe abatutsi mu 1994. Yatawe muri yombi mu Bufaransa ku itariki 16 Gicurasi 2020.