play_arrow
KT Radio Real Talk, Great Music
Muri kino kiganiro Anne Marie Niwemwiza ari kumwe na Aurore Umuhoza (CNF-Kigali), Serushako Serge (Inshuti y'Umuryango), na Eric Mahoro (Never Again Rwanda). Baragaruka ku ruhare rw'umubyeyi ku burere buhabwa umwana mu muryango. Umva ikiganiro kirambuye hano:
Muri kino kiganiro Anne Marie n'abatumirwa be baraganira ku gushora imari ku isoko ry'imari n'imigabane, uburyo bikorwa n'inyungu zirimo. Umva ikiganiro cyose hano:
Nyuma y’uko mu mujyi wa Kigali ku cyumweru tariki 21 Kamena hagaragaye abamotari babiri banduye covid19 mu barwayi bashya 26 babonetse kuri uwo munsi, Ministeri y’ubuzima (Minisante) yatangiye gushakisha abantu bahuye nabo kugira ngo nabo bapimwe. Dr Sabin Nsanzimana uyobora ikigo cy’igihugu gishinzwe ubuzima RBC, yavuze ko n’ubusanzwe ingamba zihari, ariko ikigaragara ari uko ubukangurambaga bugomba kongerwa cyane mu bamotari n’abagenzi.
Ubuhinzi n’ubworozi byagenewe ingengo y’imari ya miliyari 122.4 z’Amafaranga y’u Rwanda azafasha mu guteza imbere urwo rwego mu mwaka w’ingengo y’imari ya 2020-2021. Byatangajwe ku wa mbere tariki 22 Kamena 2020, ubwo Minisitiri w’Imari n’Igenamigambi, Dr Uzziel Ndagijimana, yagezaga umushinga w’ingengo y’imari ivuguruye y’umwaka utaha ku bagize Inteko Ishinga Amategeko, umutwe wa SENA ndetse n’umutwe w’Abadepite. Umva inkuru irambuye hano:
Mu ngengo y’imari nshya y’igihugu yamurikiwe inteko ishinga amategeko, ubuhinzi n’ubworozi byagenewe miliyari 122.4 frw, azafasha mu guteza imbere urwo rwego mu mwaka w’ingengo y’imari ya 2020-2021. Minisitiri w’Imari n’Igenamigambi Dr Uzziel Ndagijimana ejo kuwa mbere ni bwo yagejeje umushinga w’ingengo y’imari ivuguruye y’umwaka utaha ku bagize Inteko Ishinga Amategeko, umutwe wa SENA n’umutwe w’Abadepite.
Uwitwa Gilbert Kubwimana wayoboraga ikigo kigura uduseke mu Rwanda kikajya kuducururiza muri America, avuga ko yemeye gusiga umushahara ubarirwa muri miliyoni icyo kigo cyamuhembaga, kugira ngo ashishikarize abantu gufasha ingo zirimo abana bafite ubumuga. Mu myaka itatu Kubwimana amaze akorera mu murenge wa Bumbogo mu karere ka Gasabo, avuga ko kugeza ubu nta mwana waho ufite ubumuga ugikingiranwa mu nzu cyangwa ngo aburare, ndetse n’imyumvire ya bamwe babafata nk’abarimo adabayimoni […]
