Laboratwari nshya i Rusizi n’i Rubavu zizagabanya igihe ibisubizo bya coronavirus bibonekeramo – RBC

Ikigo cy’igihugu gishinzwe Ubuzima RBC kiravuga ko kugira laboratwari ebyiri zipima coronavirus mu ntara y’uburengerazuba bizagabanya igihe byatwaraga kugirango ibisubizo by’ibizamini ku bipimo biba byafashwe mu baturage biboneke.

Intara y’Uburengerazuba, by’umwihariko mu turere twa Rubavu na Rusizi, ni hamwe mu hantu hari kuva abarwayi benshi ba Covid-19, kugeza ubu bimwe mu bice by’akarere ka Rusizi bikaba bikiri muri gahunda ya Guma mu Rugo igamije gukumira ikwirakwira ry’icyo cyorezo.

Umuyobozi Mukuru wa RBC, Dr Sabin NSANZIMANA yavuze ko kuba za laboratoire zarashyizwe mu turere twa Rubavu na Rusizi bizatuma n’inzego z’ubuyobozi mu ntara n’akarere zifata mu ntoki ibikorwa byo kurwanya coronavirus.

Yavuganye na Ravy Ndizeye, abanza kumubaza uko izo laboratoire zikora.

RBC ivuga ko laboratoire yashyizwe mu karere ka Rubavu ifite ubushobozi bwo gupima ibizamini bigera kuri 400 ku munsi.