USA: Barack Obama yanenze Perezida Donald Trump kuba yitwara nk’uri mu kiganiro cyo kuri televiziyo

Barack Obama yanenze Donald Trump wamusimbuye ku butegetsi, mu ijambo risesereza yavugiye mu nama nkuru y’ishyaka ry’abademokarate isoza imirimo yayo kuri uyu munsi, avuga ko afata kuba perezida w’Amerika nk’ikindi kiganiro cyo kwigaragaza kuri televiziyo. Ibi yabishingiye ku kuba Trump yarakoraga ibiganiro byo kuri televiziyo byo gusurutsa abantu bizwi nka ‘reality TV shows’.

Obama wabaye Perezida w’Amerika kuri manda ebyiri kuva mu 2009 kugeza mu 2017, yavuze ko uyu wamusimbuye wo mu ishyaka ry’abarepubulikani atakuriye mu kazi.

Ari mu biro bye bya White House, Trump nawe yasubije Obama wo mu ishyaka ry’abademokarate, ko Abanyamerika bamutoye kubera amakuba Obama yabasizemo.

Kuri uyu wa kane, umunsi wa nyuma w’iyi nama y’iminsi ine – ikorwa ahanini mu buryo bw’iyakure mu kwirinda coronavirus – byitezwe ko Biden ageza ijambo ku bayitabiriye.

Biden na Harris bazahatana na Perezida Trump na Visi Perezida Mike Pence – wakomeza kumubera visi perezida aramutse atowe – mu matora yo ku itariki ya 3 y’ukwezi kwa cumi na kumwe uyu mwaka.

Written by: KT Radio Team

Rate it

Nigeria: Abaturage amagana bafashwe bugwate n’umutwe witwaje intwaro

Abarwanyi bikekwa ko ari abo mu mutwe wa Islamic State bakorera muri Afurika y’Iburengerazuba (Iswap), bigaruriye umujyi wa Kukawa uherereye mu mu Majyaruguru y’Iburasirazuba bwa Nigeria, ufata bugwate abasivile benshi, nkuko byatangajwe na Radio mpuzamahanga y’abafaransa RFI. Amakuru yatanzwe n’inzego z’umutekano za Nigeria avuga ko indege za gisirikare zoherejwe muri Maiduguri, umurwa mukuru wa leta ya Borno, kugira ngo zifashe mu guhangana n’icyo kibazo. Iki gitero kibayeho nyuma y’imyaka igera […]

August 20, 2020 33