Uwakize COVID-19 mu Bushinwa bamusanzemo ubundi bwoko bushya bwayo

Abahanga mu bya siyansi y’ubuvuzi muri kaminuza ya Hong Kong batangaje ko umurwayi wari wakize covid19 yongeye kuyandura bushya nyuma y’amezi ane n’igice.

Ibi ni ibyatangajwe kuri uyu wa mbere taliki 25 Kanama 2020, n’abaganga bakurikiranaga uwo murwayi aho bemezako ubwoko bwa covid19 bamusanzemo budasanzwe kuko ari bushya.

Aya makuru adasanzwe ku bwandu bushushya bwa covid19, aratangazwa mu gihe abaganga bavuga ko abantu banduye covid19, biremo ubudahangarwa budasanzwe bwo guhangana n’iyi ndwara kuko baba bayikize bityo bikabafasha kuba batakongera kuyandura. Cyakora bakavuga ko hataramenyekana igihe n’ubushobozi bw’ubwo budahangarwa byamara.

Iyi nkuru dukesha BBC iravuga ko mu gihe nta bushobozi umubiri w’umuntu ufite bwo kurema ubudahangarwa buhoraho, bisaba ko hazakorwa inking nyinshi cyane, ngo nubwo bwose abarwayi baremba bagakira bo bigoye kuba bakongera kwandura.

Aba baganga bo mu buyapani, baravuga ko ubundi bwoko bwa coronavirusi burimo common cold, busanzwe bwongera kwandura uwabwanduye bityo kuba virus ya sars Co V 2 itera covid19 yakongera kwandurwa atari ibidasanzwe.

Ishami ry’umuryango wabibumbye ryita ku buzima riratangaza ko abantu badakwiye gutangira gushyuha umutwe kubera gusa ibisubizo by’umurwayi umwe mu barware miriyoni 23 ku isi bamaze kwandura iki cyorezo hirya no hino ku isi.

Ishami ry’umuryango wabibumbye ryita ku buzima kandi riravuga ko nta nyandiko zihagije n’ubushakashatsi burashyirwa hanze ku mugaragaro bwemeza iby’ayo makuru.

Uyu mu mugabo w’imyaka 33 warusanzwe afite ubuzima buzira umuze, yongeye kugaragarwaho ubu burwayi bushya nyuma y’uko apimwe inshuro ebyiri bagasanga ari muzima.

Gusa ubwo yari ku kibuga cy’indege agiye gufata urugendo nibwo bamupiimye bakabona agaragaza ibimenyetso bya covid19.