Abakinnyi ba Arsenal bari mu bise amazina abana b’ingagi

Ku wa kane tariki 24 Nzeri 2020 habaye umuhango wo kwita izina abana b’ingagi ku nshuro ya 16.

Ni umuhango wabaye mu buryo bw’ikoranabuhanga, aho abana b’ingagi 24 bahawe amazina n’abantu batandukanye barimo abakozi ba za pariki, ndetse na bamwe mu bakinnyi b’ikipe ya Arsenal yo mu Bwongereza.

Abana b’ingagi bahawe amazina, bagizwe n’abahungu 15 n’abakobwa 9, bavutse guhera muri Kanama 2019 kugeza Nyakanga 2020, bakaba baturuka mu miryango 12.

Abakinnyi b’ibihangange bikina muri Arsenal bitabiriye uwo muhango ni batatu, Pierre-Emerick Aubameyang, Bernd Leno na Hector Bellerin. Amazina batanze harimo iriza, Igitego Bernd Leno we abatiza umwana w’ingagi izina myugariro dore ko asanzwe akina mu bwugarizi mu izamu.

Mu ijambo rya Perezida Paul Kagame yashimiye abo bakinnyi ku musanzu batanze mu muhango wo kwita izina ku nshuro ya 16, agaruka ku mikoranire myiza urwanda rufitanye n’ikipe ya Arsenal.

Perezida Kagame Yashimiye byimazeyo abakozi ba Pariki babungabunga umutekano w’ingagi umunsi ku wundi ashima n’imyitwarire myiza ikomeje kuranga abaturiye Pariki n’uburyo bakomeje kwakira ababagana baje kureba ibyiza nyuburanga by’u Rwanda.

Umva inkuru irambuye hano:

Written by: KT Radio Team

Rate it

Rusesabagina mu mwambaro w’iroza, yabwiye Urukiko Rwisumbuye ko ntaho yari ahuriye na FLN

Paul Rusesabagina uregwa gufatanya na FLN mu byaha by’iterabwoba, kwica, gutwikira abaturage no kubasahura hakoreshejwe intwaro i Nyamagabe na Nyaruguru, yabwiye Urukiko Rwisumbuye rwa Nyarugenge ko atategekaga uwo mutwe wa FLN. Rusesabagina arimo kuburana urubanza rw’ubujurire ku ifungwa n’ifungurwa ry’agateganyo mu Rukiko Rwisumbuye rwa Nyarugenge, nyuma y’umwanzuro atishimiye wo kumufunga by’agateganyo wafashwe n’Urukiko rw’Ibanze rwa Kicukiro ku itariki ya 17 Nzeri 2020. Rusesabagina avuga ko nubwo ari mu bayobora impuzamashyaka […]

September 25, 2020 18