Year: 2021

Mu gicuku cyo kuri uyu wa 31 Kanama 2021, saa munani z'ijoro, ku Gisozi mu Karere ka Gasabo hepfo gato y'Ibiro by'Umurenge wa Gisozi, habereye impanuka y'ikamyo yari itwaye ibiti, yagwiriye inzu z'umucuruzi witwa Yvonne Mukeshimana iramuhitana. Inzu z'uwo mucuruzi zari ahitwa kuri Beretware mu ikorosi riri hepfo y'Umurenge wa Gisozi, zasenyutse burundu. Iyo mpanuka yanahitanye umuzamu wa Mukeshimana witwa Nkurikiyimfura Jean de Dieu ikomeretse n'abana be babiri ari bo […]

Ikigo cy’Igihugu gishinzwe Ubumenyi bw’Ikirere (Meteo Rwanda) kivuga ko imvura y’Umuhindo wa 2021 izaba ingana nk’isanzwe igwa muri icyo gihe, ariko ikaba ishobora kuzagabanuka mu duce tumwe tw’i Burengerazuba, Amayaga n’uturere twa Bugesera, Kirehe na Ngoma. Meteo Rwanda ikavuga ko iyo mvura izagwa kuva mu kwezi kwa Nzeri kugera m’Ukuboza 2021, izaba ingana nk’iyaguye mu Muhindo w’imyaka ya 2016, 2010 na 1996. Simon kamuzinzi araduha inkuru inkuru irambuye.

Hari abaturage bavuga ko mu gihe haba habayeho kwishyurwa cyangwa kugurisha ibishingwe nk’uko byatangajwe na Minisitiri w’Ibidukikije Dr Mujawamariya Jeanne d’Arc, ngo batangira kubiraza mu nzu kugira ngo abajura batabyiba. Gusa abasesengura iby’iyi gahunda basanga ikigoranye gushyirwa mu bikorwa, bitewe n’uko hari ibishingwe byinshi kugeza ubu bidashobora kugira ikindi kintu cy’agaciro byakorwamo.

Umudugudu wa Kanyinya wo mu Kagari ka Ruhango mu Murenge wa Gisozi w’Akarere ka Gasabo, n’ubwo uri mu ntera ya kilometero zitarenga enye uvuye mu Mujyi rwagati wa Kigali, imibereho yaho imeze nk’iyo mu cyaro. Ni abahinzi-borozi batunzwe n’igishanga cya Nyabugogo kiri hagati y’Umurenge wa Gatsata n’uwa Gisozi, kujyayo wambukiye mu gishanga bigasaba ko umuntu agenda hakibona.