Year: 2021

Mu kigo cy’igihugu cy’amahoro (Rwanda Peace Academy), giherereye i Nyakinama mu karere ka Musanze, hatangijwe amahugurwa y’iminsi itanu yitabiriwe n’Abaminisitiri n’abayobozi bahagarariye inteko ishinga amategeko, abasirikare n’abapolisi bakuru n’abahagarariye imitwe ya Politike, baturutse muri Sudani y’Epfo. Ni amahugurwa yatangijwe ku itariki 29 Ugushyingo, akazasoza tariki 03 Ukuboza 2021, agamije kubaka amahoro nyuma y’intambara, kwiyubaka no kubaka umutekano urambye (Post-Conflict Peace Building, Reconstruction and Stabilization), atangizwa ku mugaragaro na Minisitiri w’ububanyi […]

Urubyiruko rushamikiye ku Muryango FPR Inkotanyi, rurasabwa kuba ku isonga mu gukemura ibibazo bitandukanye, kuko FPR Inkotanyi nka moteri y’iterambere ry’igihugu imbaraga zayo ari urubyiruko ruyishamikiyeho. Ibi byagarutsweho n’Umunyamabanga Mukuru w’Umuryango FPR Inkotanyi, Francois Ngarambe, kuri iki cyumweru tariki 28 Ugushyingo 2021, muri congres y’urugaga rw’urubyiruko rushamikiye kuri FPR Inkotanyi.

Urwego rw'Imiyoborere(RGB) rwatangaje Igipimo cy'Iterambere ry'Itangazamakuru mu Rwanda kigaragaza ko Ibitangazamakuru n'abanyamakuru ubwabo, bagikeneye igishoro cy'ubumenyi n'amafaranga byabafasha gukora kinyamwuga. Urwego RGB rwatangaje ubu bushakashatsi bukozwe ku nshuro ya kane, mu gihe hizihizwaga umunsi nyafurika w'Itangazamakuru kuri uyu wa Kabiri.

Mu Ishuri Rikuru rya Polisi y’u Rwanda, riherereye mu Karere ka Musanze, kuri uyu wa gatatu, hasojwe icyiciro cya kane cy’amahugurwa y’ibanze mu birebana n’Ubugenzacyaha, yitabiriwe n’Abanyeshuri 133 barimo Abapolisi, Abasirikari, Abakozi b'Urwego rw'Igihugu rw'Ubugenzacyaha n'Abakozi b'Urwego rw'Igihugu rushinzwe Iperereza. Minisitiri w’Ubutabera akaba n’Intumwa nkuru ya Leta Dr Ugirashebuja Emmanuel, yasabye abayarangije gukoresha ubumenyi bahungukiye, bakanoza ubunyamwuga no gutanga ubutabera buboneye ku babagana.