Huye: Umugabo yacukuriwe imva bagiye gufata umurambo ku bitaro basanga ari muzima
Umugabo utuye ahitwa mu Rusagara ho mu Murenge wa Mbazi mu Karere ka Huye yabitswe ko yapfuye, abo mu muryango we bagiye gufata umurambo ku bitaro basanga ari muzima. Nk'uko bivugwa n'abatuye mu Kagari ka Rusagara, umugabo witwa Gervais Byangabiza, ari na we wari wabitswe ko yapfuye nyamara ari muzima, ngo yakomerekejwe n'umukozi wo mu rugo rumwe rw'aho mu Rusagara wamukubise icyuma kimeze nk’umukasi bacongesha urugo. Hari mu masaa kumi […]