Patrick Aussems watoje Simba yo muri Tanzania yagizwe umutoza mushya wa Kiyovu Sports

Nyuma y’igihe ikipe ya Kiyovu Sports iri mu biganiro n’umutoza ukomoka mu gihugu cy’u Bubiligi Patrick Aussems, bamaze kwemeranya kuzayitoza kuva mu mwaka w’imikino wa 2022-2023.

**Patrick Aussems yatoje Simba SC yo muri Tanzania**

Ibiganiro bya nyuma hagati y’impande zombi byabereye mu gihugu cy’Ubufaransa kuri uyu wa mbere tariki 11 Nyakanga 2022, hagati ya Perezida wa Kiyovu Sports Mvukiyehe Juvenal ndetse na Patrick Aussems.

Uyu mugabo wanyuze mu makipe atandukanye muri aka karere ka Afurika y’Iburasirazuba gutoza ikipe ya Kiyovu Sports azabifatanya na Mateso Jean de Dieu uzaba ari umutoza wungirije, Frank Plaine uzaba ashinzwe kongerera abakinnyi imbaraga ndetse na Ndaruhutse Theogene Djabil uzaba ari umutoza w’abanyezamu.

**Patrick Aussems na Perezida wa Kiyovu Sports Mvukiyehe Juvenal**

Patrick Aussems umaze gutoza amakipe 17 mu myaka 30 amaze atoza, yatoje ikipe ya Simba SC muri Tanzania ndetse na AFC Leopards yo muri Kenya mu gihe we nabo bazafatanya bagiye muri Kiyovu Sports ngo basimbure Haringingo Francis na bagenzi be batozaga iyi kipe bayivuyemo nyuma y’umwaka w’imikino wa 2021-2022 bayigejeje ku mwanya wa kabiri muri shampiyona.

Written by: KT Radio Team

Rate it

RDC yatanze impapuro za nyuma ziyakira bidasubirwaho mu muryango wa EAC

Repubulika ya Demokarasi ya Congo yamaze kwakirwa mu Muryango wa Afurika y’Iburasirazuba bidasubirwaho, nyuma yo kuzuza ibyo yasabwaga byose. Mu gikorwa cyabaye kuri uyu wa Mbere tariki 11 Nyakanga 2022, Minisitiri w'Ububanyi n'amahanga wa RDC, Christophe Lutundula Apala yashyikireje umunyamabanga mukuru wa EAC, Hon. Peter Mathuki zimwe mu nyandiko zari zanyuma zari zisigaye. Umunyamabanga mukuru w'umuryango wa Afurika y'Iburasirazuba EAC, Peter Mathuki yavuze ko uyu munsi w'ingenzi mu muryango wa […]

July 11, 2022 97