Indege yari kuzahaguruka mu Bwongereza yerekeza mu Rwanda izanye abimukira n’abasaba ubuhungiro, bizasaba gutegereza kugeza muri Nzeri mu gihe hagitegerejwe ko urukiko rukuru rwumva na minisitiri w’intebe mushya.
Minisitiri w’Intebe uriho Boris Johnson, aherutse kwegura ku mwanya w’umukuru w’ishyaka riri ku butegetsi mu Bwongereza rya Conservative.
Ariko azaguma kuba Minisitiri w’intebe kugeza muri nzeri, ndetse guhatanira umwanya wo kumusimbura ku buyobozi bw’ishyaka bizaba muri iyi mpeshyi, naho Minisitiri w’intebe mushya azaba yatangiye imirimo mu kwezi kwa cumi uyu mwaka ubwo hazaba haba inama nkuru y’ishyaka.
Ikinyamakuru cyo mu Bwongereza, the Independent cyatangaje ko Abacamanza bo mu Rukiko Rukuru bazasuzuma amategeko ya politiki ku munsi hazaba hamaze kumenyeka imyanzuro uavuye mu bahatanira kuyobora ishyaka ry’aba conservateur, ari nawe ugomba kuba Minisitiri w’Intebe mushya.
Indege ya mbere yagombaga gukora urugendo ruva mu Bwongereza rugana i Kigali itwaye abimukira binjiye muri iki gihugu mu buryo bunyuranyije n’amategeko, yahagaritswe habura amasaha make ngo itangire urugendo.Ni nyuma y’uko Urukiko rw’i Burayi rushinzwe kurengera uburenganzira bwa muntu, rufashe umwanzuro w’uko iryo yoherezwa ryahagarara.
The Independent yakomeje ivuga ko Guverinoma itazigera igerageza kugira indege yakora urugendo ruyerekeza mu Rwanda, nibura kugeza muri Nzeri, kubera ko itegereje ko urukiko ruzafata icyemezo ndetse n’ibyavuye mu bahataniye kuzayobora ishyaka ry’aba conservateur.
Minisitiri w’intebe mushya azatangazwa ku ya 5 Nzeri, ndetse uwo munsi nibwo Urukiko Rukuru ruzasuzuma niba politiki yemewe.
Boris Johnson ntacyo azahindura kuri Gahunda zumvikanyweho
Umuvugizi wa Minisitiri w’Intebe w’u Bwongereza, Boris Johnson, aherutse gutangaza ko u Bwongereza bufite gahunda yo gukomeza politiki zumvikanyweho harimo kohereza abimukira mu Rwanda.Mu gihe Boris Johnson asigaje ku butegetsi nka Minisitiri w’Intebe, ngo ashobora kutazagira icyo ahindura muri gahunda ze za Politiki, nk’uko inkuru ya BBC yabitangaje.
Iyo ni yo mpamvu umuvugizi we yahereyeho avuga ko gahunda yo kujyana bimukira mu Rwanda yatangajwe n’u Bwongereza mu kwezi kwa kane 2022 ishobora gukomeza.
Urukiko rw’i Paris mu Bufaransa ruburanisha Laurent Bucyibaruta wahoze ari Perefe wa Perefegitura ya Gikongoro, kuri uyu wa Kabiri tariki 12 Nyakanga 2022, rwamuhanishije igifungo cy’imyaka 20, akaba yemerewe kujurira mu minsi icumi. Laurent Bucyibaruta ubwo yari mu nzira yerekeza mu rukiko kumva umwanzuro yafatiwe Bucyibaruta yari akurikiranyweho ibyaha bya Jenoside, ubufatanyacyaha muri Jenoside, ndetse n’ubufatanyacyaha mu byaha byibasiye inyokomuntu muri Jenoside yakorewe Abatutsi mu yahoze ari Perefegitura ya Gikongoro. […]
Post comments (0)