Karongi: Impanuka y’imodoka ihitanye umukozi w’Akarere

Mu Karere ka Karongi, mu Murenge wa Gitesi mu Kagari ka Kirambo mu Mudugudu wa Kirambo habereye impanuka y’imodoka, umuntu umwe ahita apfa, umushoferi arakomereka.

Umuvugizi wa Polisi mu ishami rishinzwe umutekano wo mu muhanda SSP Irere René yatangaje ko uwitabye Imana ari Hitumukiza Robert wari ushinzwe uburezi mu Karere ka Karongi akaba yari agiye mu bugenzuzi bw’ibizamini by’amashuri abanza kuri GS Gashubi.

Icyateye iyi mpanuka ngo ni uko umushoferi yananiwe gukata ikorosi, bituma imodoka ita umuhanda igwa mu manga ireshya na metero 46 uvuye ku muhanda.

Ati “Bagendaga mu muhanda w’igitaka, ikigaragara ni uko hari ikorosi rinini rikaba ryamunaniye kurikatamo bigatuma imodoka ihirima munsi y’umuhanda”.

**Hitumukiza Robert wari ushinzwe uburezi muri Karongi yaguye muri iyi mpanuka**

Umushoferi witwa Nshimyimana Callixte w’imyaka 43 yakomeretse umutwe akaba yahise ajyanwa kwitabwaho n’abaganga ku bitaro bikuru bya Kibuye (Kibogora).

Umuvugizi wa Polisi mu ishami rishinzwe umutekano wo mu muhanda SSP Irere René atanga ubutumwa ku bantu batwara ibinyabiziga ko bakwiye kwitonda ndetse bakajya bagendera ku muvuduko wo hasi kuko biri mu byatuma impanuka zigabanuka.

Written by: KT Radio Team

Rate it

RUBAVU: Polisi yafashe ibicuruzwa bya magendu bifite agaciro k’asaga miliyoni 9 Frw

Polisi y’u Rwanda mu karere ka Rubavu, yafashe abantu babiri bageragezaga kwinjiza mu gihugu, ibicuruzwa bya magendu bitandukanye, byose hamwe bifite agaciro k’amafaranga y’u Rwanda asaga miliyoni 9. Umuvugizi wa Polisi mu ntara y’Iburengerazuba, Superintendent of Police (SP) Bonaventure Twizere Karekezi, yavuze ko ibicuruzwa byafashwe byiganjemo amavuta yangiza uruhu azwi ku izina rya Mukorogo yari avanywe mu gihugu cy’abaturanyi cya Repubulika Iharanira Demokarasi ya Kongo. Yagize ati: “Bafatiwe mu bikorwa […]

July 20, 2022 81