Ukraine: Ubwato bwa mbere butwaye ibinyampeke bwahagurutse

Ubwato bwa mbere butwaye ibinyampeke bwahagurutse ku cyambu cya Ukraine nyuma y’amasezerano afatwa nk’ataraboneka n’Uburusiya. Yitezweho kugabanya ibura ry’ibiribwa ku isoko.

Abayobozi ba Turukiya na Ukraine bavuze ko ubwo bwato bwavuye ku cyambu cya Odesa kiri mu majyepfo bumanuko mu gitondo kuri uyu wa mbere.

Kuva mu kwezi kwa Gashyantare uyu mwaka, ibitero by’Uburusiya byari byugarije icyo cyambu cya Ukraine, ariko izo mpande zombi binyuze mu masezerano yasinyiwe i Istanboul muri Turukiya, zumvikanye kureka ubwato butwaye ibinyampeke bugatambuka.

byitezwe ko ayo masezerano azatuma ibiribwa byongera kuboneka kw’isi, anagabanye igiciro cy’ibinyampeke cyakomeje gutumbagira.

Turkia yavuze ko ubwo bwato buriho idarapo rya Sierra Leone, bwitwa Razoni, buzagera ku cyambu cya Tripoli muri Libani, yongeraho ko hari n’ubundi bwato bitegekanyijwe ko buzahaguruka mu byumweru biri imbere.

BBC yatangaje ko, ikigo gishinzwe kugenzura icyo gikorwa gihuriweho n’impande zose, cyashinzwe hisunzwe ayo masezerano y’i Istanbul, cyavuze ko ubwo bwato butwaye toni 26.000 y’ibigori, bikaba byitezwe ko bugera mu mazi ya Turukiya kugirango bubanze gukorerwa igenzura kuri uyu wa Kabiri bukabona gukomeza urugendo.

Umunyamabanga mukuru wa Onu Antonio Guterres yakiranye ubwuzu uko haguruka k’ubwo bwato anashima cyane Turkia ku ruhare yagize mw’ishyirwa mu bikorwa ry’ayo masezerano.

Amasezerano Amasezerano hagati y’u Burusiya na Ukraine, yagezweho mu kwezi gushize yahagarikiwe na Turukiya, n’Umuryango w’Abibumbye, byafashe amezi abiri kugira agerweho bikaba bitegekanijwe ko azamara imisi 120. Ashobora kwongererezwa mu gihe impande zombi zaba zibyemeranywaho.