Kuri uyu wa Kabiri tariki 9 Kanama 2022, nibwo habaye tombola y’uko amakipe azahura mu ijinjora ry’ibanze mu mikino y’amakipe yabaye aya mbere iwayo, CAF Champions League 2022-2023, isiga APR FC ihagarariye u Rwanda, izahura na US Monastir yo muri Tunisia.
APR FC itomboye US Monastir yo muri Tunisia
Ikipe ya APR FC yatwaye igikombe cya shampiyona y’u Rwanda 2021-2022 bikayihesha itike yo gusohokera Igihugu mu irushanwa rya CAF Champions League, rihuza amakipe yabaye aya mbere iwayo muri Afurika, izahura n’ikipe ya US Monastir yo muri Tunisia mu mikino y’ijojonjora ry’ibanze.
US Monastir yo mu gihugu cya Tunisia, muri shampiyona ya 201-2022 ikinwa mu matsinda abiri, mu itsinda rya kabiri yari iherereyemo yabaye iya kabiri mu mikino 14 yakinnye, ifite amanota 23 ihita izamuka mu makipe atandatu aba ahatanira igikombe, maze mu mikino 10 ibonamo amanota 22 yatumye isoreza ku mwanya wa kabiri inyuma ya Esperance yabaye iya mbere n’amanota 24.
Imikino ibanza mu ijonjora ry’ibanze muri CAF Champions League 2022-2023 iteganyijwe ko izakinwa hagati ya tariki 9 na 11 Nzeri 2022, mu gihe iyo kwishyura iteganywa gukinwa hagati ya tariki 16 na 18 Nzeri 2022.
US Monastir yabaye iya kabiri muri shampiyona ya Tunisia
Ikipe izakomeza hagati ya APR FC na US Monastir mu jonjora rya kabiri, izakina n’ikipe ya AL Ahly yo mu gihugu cya Misiri ifite iki gikombe inshuro nyinshi muri Afurika, aho imaze kugitwara inshuro 10.
Mu gushakisha itike ya CHAN 2023, u Rwanda rwamaze kwemerwa na CAF ko umukino wo kwishyura uzaruhuza na Ethiopia uzabera kuri Stade Huye. Stade Huye yamaze guhabwa uburenganzira bwo kwakira imikino mpuzamahanga Mu gihe habura iminsi micye ngo imikino y’ijonjora rya kabiri hashakishwa itike yo gukina CHAN 2023 aho ikipe y’igihugu y’u Rwanda izakina na Ethiopia muri Nzeri 2022, byemejwe ko uyu mukino uzabera kuri Sitade mpuzamahanga ya Huye. Mu […]
Post comments (0)