Icyamamare Lewis Hamilton yishimiye gusura Ingagi muri Pariki y’Ibirunga

Umwongereza akaba Icyamamare mu mukino wo gutwara imodoka nto, uzwi nka Formula 1, Lewis Hamilton, ari mu biruhuko mu Rwanda, aho yasuye Pariki y’Igihugu y’Ibirunga.

Sir Lewis Hamilton amaze iminsi mu biruhuko ku mugabane wa Afurika, aho yageze mu Rwanda avuye muri Kenya.

Mu butumwa bwashyizwe ku mbuga ze nkoranyambaga, bimwe mu byo yishimiye mu Rwanda harimo kuzamuka imisozi ndetse anasura pariki y’igihugu y’ibirunga.

Yagize ati “Ahandi hantu ha kabiri ngeze ni mu Rwanda, aho twazamutse ibirunga kureba iwabo w’ingagi. Ni ibintu byarenze ibitekerezo byanjye. Zari zituje, zisa neza, simpamya ko kuzegera ari ishusho izamva mu mutwe.”

Yashimiye u Rwanda kandi uruhare ndetse n’imbaraga rushyira mu kurengera urusobe rw’ibinyabuzima.

Sir Lewis Hamilton icyamamare mu mukino wa Formula 1. amaze gutwara shampiyona y’Isi inshuro zirindwi, ndetse ibi byatumye ahabwa ishimwe n’Umwamikazi w’u Bwongereza, Elizabeth II.

Written by: KT Radio Team

Rate it

Nigeria: Abakora ibikorwa byo gushimuta abantu 55 baguye mu bitero by’indege

Igisirikare cya Nijeriya kirwanira mu kirere cyatangaje ko ibitero by’indege cyagabye muri iki cyumweru ku mitwe yitwaje intwaro, byahitanye abagera kuri 55 bazwi mu bikorwa byo gushimuta abantu kugira ngo bababyaze amafaranga mbere yo kubarekura. Umuvugizi w’icyo gisirikare yavuze ko inyuma y’ibyo bitero abo bagizi ba nabi barekuye abantu bari baragize imbohe. Reta ya Nijeriya yakomeje gushinjwa ko yananiwe no guhagarika abashimuta abantu ndetse n’ibitero by’abajihadiste. VOA, ivuga ko ibyo […]

August 12, 2022 59