Ntibisanzwe: Abapilote barasinziriye indege irenga aho yari kugwa

Abapilote babiri b’indege ba Ethiopian Airlines basinziriye iri ku butumburuke bwa 11km barenga aho yari kugwa mbere yo gukanguka bakayigarura ikagwa neza, nk’uko ikinyamakuru ku by’indege kibivuga.

**Abo bapilote basinziriye ubwo indege yari muri ‘autopilot mode’**

Abashinzwe ingendo z’indege bagerageje kubavugisha nyuma y’uko barenze aho bagombaga gutangira kururutsa indege mu kirere cya Addis Ababa mu murwa mukuru wa Ethiopia.

Amaherezo aba bapilote baje gukanguka bagarura indege bayimanura neza, nk’uko Aviation Hearld ibivuga. Abo bakozi ba Ethiopian Airlines bahise bashyirwa mu kiruhuko mu gihe hari gukorwa iperereza, nk’uko bivugwa n’igitangazamakuru cya leta Fana.

BBC ivuga ko ibi byabaye ubwo iyo ndege yari ivuye ku kibuga cy’indege cya Khartoum muri Sudan.

Iyo Boeing 737, itwara abagenzi 154, ubusanzwe ikora urugendo ruri munsi y’amasaha abiri hagati y’ibi bihugu bituranye.

Abavuze kuri uku gusinzira kw’aba bapilote bamwe bifatanya nabo ko akazi kabo kagoye, abandi bagatangazwa n’uburyo basinziriye mu kazi nk’ako.

Written by: KT Radio Team

Rate it

Perezida Kagame yazamuye mu ntera Colonel Andrew Nyamvumba

Perezida wa Repubulika Paul Kagame akaba n’Umugaba w’Ikirenga w’Ingabo z’u Rwanda, yazamuye mu ntera Colonel Andrew Nyamvumba amuha ipeti rya Brigadier General. Colonel Andrew Nyamvumba yazamuwe mu ntera Ku mugoroba wo ku wa Gatanu tariki 19 Kanama 2022, nibwo hatangajwe izo mpinduka mu itangazo ryaciye ku rubuga rwa Twitter rw’Ingabo z’u Rwanda. Nyamvumba yaherukaga kuzamurwa mu ntera muri Nyakanga 2018. Icyo gihe yari avuye ku ipeti rya Lieutenant Colonel ahita […]

August 20, 2022 217