Perezida Kagame yakiriye intumwa za rubanda zaturutse muri Amerika

Perezida Paul Kagame, ku gicamunsi cyo kuri uyu wa Gatanu tariki 19 Kanama 2022, muri Village Urugwiro, yakiriye itsinda ry’intumwa za rubanda ziturutse muri Leta Zunze Ubumwe za Amerika.

Perezida Kagame iri tsinda yakiriye riri mu Rwanda mu ruzinduko rw’iminsi itatu, rikaba rigizwe n’abasenateri batatu ndetse n’abadepite batatu, riyobowe na senateri Chris Coons.

Urubuga rwa Twitter rw’Ibiro by’Umukuru w’Igihugu rutangaza ko uru ruzinduko rw’izi ntumwa za rubanda, rugamije kunoza umubano hagati y’u Rwanda na Leta Zunze Ubumwe za Amerika.

Iri tsinda ryari riherekejwe na Dr Vincent Biruta, Minisitiri w’ububanyi n’amahanga n’ubutwererane, Mujawamariya Jeanne d’Arc, Minisitiri w’ibidukikije ndetse n’Umuyobozi Mukuru w’Urwego rw’Igihugu rw’Iterambere (RDB), Clare Akamanzi.

Uruzinduko rw’izi ntumwa za rubanda, ruje rukurikira urw’Umunyamabanga wa Leta Zunze Ubumwe za Amerika ushinzwe Ububanyi n’Amahanga, Antony Blinken, aheruka kugirira uruzinduko mu Rwanda mu cyumweru gishize, rwari rugamije kurushaho gushimangira umubano w’ibihugu byombi.

Written by: KT Radio Team

Rate it

Mali irashinja u Bufaransa gushyigikira imitwe y’iterabwoba

Mali irashinja Ubufaransa kuba bufasha imitwe y’iterabwoba. Ibi biri mu ibarwa Minisitiri w'ububanyi n'amahanga wa Mali, Abdoulaye Diop, yandikiye uyoboye akanama ka ONU gashinzwe amahoro n’umutekano. Abdoulaye Diop, Minisitiri w'ububanyi n'amahanga wa Mali Iyo barwa ivuga ko indege z’abanyamahanga, cyane cyane iz'Abafaransa zikomeje kuvogera ikirere cya Mali inshuro zirenga 50, ndetse n’ibindi bikorwa bitari bike bwakoze bwirengagije ko Mali ari igihugu cyigenga. Ibarwa y'uyu muyobozi ivuga ko reta ya Mali […]

August 19, 2022 77