Umucamanza yagize umwere umukinyi wa Manchester City, Benjamin Mendy, ku cyaha kimwe cyo gufata ku ngufu ashinjwa.
Benjamin Mendy aracyakurikiranwa ku bindi byaha bitari bike ashinjwa bishingiye ku gitsina
Mendy w’imyaka 28 yagizwe umwere n’urukiko rwa Chester Crown Court ku cyaha ashinjwa cyo gufata ku ngufu umugore w’imyaka 19 mu rugo rwe ruherereye i Prestbury, Cheshire, ku wa 24 Nyakanga umwaka ushize.
Uwo bashinjwa bimwe muri iyi dosiye Louis Saha Matturie (utari Louis Laurent Saha wakiniye Man Utd) w’imyaka 41 nawe yagizwe umwere ku byaha bibiri ashinjwa byo gufata ku ngufu uwo mukobwa n’icy’ihohotera rishingiye ku gitsina.
Hagati aho, baracyaburana ku bindi byaha bishingiye ku gitsina, ariko bombi bakaba babihakana.
Mendy aracyaburana ku byaha bindi birindwi birimo kugerageza gufata ku ngufu, n’ihohotera rishingiye ku gitsina ashinjwa ko yakoreye abagore batandatu.
Louis Saha Matturie w’imyaka 41 arahakana ibyaha bitandatu byo gufata ku ngufu n’ibindi bitatu by’ihohotera rishingiye ku gitsina
Matturie, umugenzi wa Mendy akaba ari na we umufasha, ashinjwa kuba yarayahawe akazi ko kumushakira abagore asambanya.
Arahakana ibyaha bitandatu byo gufata ku ngufu ashinjwa hamwe n’ibindi bitatu by’ihohotera rishingiye ku gitsina ashinjwa ko yakoreye abagore barindwi.
Aba bagabo bombi bavuga ko niba harabaye ibyo guhuza ibitsina n’abo bagore cyangwa abakobwa byabaye ku bwumvikane. Urubanza ruracyakomeje.
Minisitiri w'Intebe Dr. Edouard Ngirente, kuri uyu wa Kane tariki 15 Nzeri 2022, yageze i Luanda muri Angola kwitabira umuhango w'irahizwa rya Perezida João Manuel Gonçalves Lourenço. Ishyaka People's Movement for Liberation of Angola (MPLA) riri ku butegetsi kuva Angola yabona ubwigenge kuri Portugal mu 1975, ryatsinze amatora y'abadepite n'ay'umukuru w'Igihugu yabaye ku ya 24 Kanama 2022, n'amajwi 51%. Bivuze ko João Lourenço wari uyoboye Angola kuva muri 2017, asimbuye […]
Post comments (0)