Minisitiri w’Intebe Ngirente yitabiriye umuhango w’irahira rya Perezida João Lourenço

Minisitiri w’Intebe Dr. Edouard Ngirente, kuri uyu wa Kane tariki 15 Nzeri 2022, yageze i Luanda muri Angola kwitabira umuhango w’irahizwa rya Perezida João Manuel Gonçalves Lourenço.

Ishyaka People’s Movement for Liberation of Angola (MPLA) riri ku butegetsi kuva Angola yabona ubwigenge kuri Portugal mu 1975, ryatsinze amatora y’abadepite n’ay’umukuru w’Igihugu yabaye ku ya 24 Kanama 2022, n’amajwi 51%.

Bivuze ko João Lourenço wari uyoboye Angola kuva muri 2017, asimbuye Perezida José Eduardo Dos Santos wayoboye Angola mu gihe cy’imyaka hafi 40, ariwe ukomeza kuyobora iki gihugu muri Manda ya kabiri.

Akanama k’amatora kavuze ko ishyaka Unita ritavuga rumwe n’ubutegetsi, rimaze igihe rishaka kuyobora Angola, ryabonye amajwi 44%.

Iri shyaka ntiryanyuzwe n’ibyavuye muri ayo matora, ndetse riregera Urukiko rushinzwe kurinda itegeko nshinga.

Uru rukiko ariko rwahisemo kudaha agaciro ibirego bya Unita, rwemeza ko Ishyaka MPLA ariryo ryatsinze amatora.

Written by: KT Radio Team

Rate it

Madamu Jeannette Kagame ari mu ruzinduko muri Suède

Madamu wa Perezida wa Repubulika, Jeannette Kagame, yakoreye uruzinduko rw’iminsi itatu i Stockholm mu gihugu cya Suède, aho yasuye ibikorwa bitandukanye akanitabira n’inama zirimo kuhabera, kuva tariki 13-16 Nzeri 2022. Madamu Jeannette Kagame yasuye Ibitaro bya Kaminuza ya Karolinska Madamu Jeannette Kagame akigera i Stockholm yasuye Ibitaro bya Kaminuza ya Karolinska mu gice kivurirwamo abana (Play Therapy Pediatric Department). Umuyobozi w’ibyo bitaro, Svante Norgren, avuga ko yishimiye kwakira Madamu wa […]

September 15, 2022 51