Russia: Abarenga ibihumbi 190 barahunze kubera ubwoba bwo kwinjizwa mu gisirikari

Abarusiya ibihumbi n’ibihumbi barimo barahunga igihugu cyabo, banga kwinjira mu gisilikare.

**Imodoka z’abakomeje guhunga bakoresheje imipaka**

Ibiro ntaramakuru by’amerika AP, byo bivuga ko kugeza ku wa kabiri, abantu barenga 194,000 bari bamaze kwambuka imipaka. Hafi ya bose ni abagabo kandi bakiri bato.

Bari kwambuka bakoresheje imodoka, amagare cyangwa n’amaguru. Abandi, bifite, bari gukoresha indege.

Guhunga byatangiye ku itariki ya 21 uku kwezi nyuma y’ijambo rya Perezida Vladimir Putin yagejeje ku gihugu, avuga ko inkeragutabara 300,000 bagomba kugaruka mu gisilikare kugirango bajye kurwana muri Ukraine. Abahunga bavuga ko batabishaka.

VOA ivuga ko ibihugu bya Kazakhstani na Georgia, byombi bidasaba viza Abarusiya, kugeza ubu ari byo byakira abahunga benshi kurusha ibindi bituranye n’u Burusiya.

Nka Kazakhstani yonyine ubwayo ivuga ko imaze kwakira abarenga 100,000. Ibindi bihugu bari guhungiramo ni nka za Finlande, Norvege, na Mongolia.

Written by: KT Radio Team

Rate it

Umusaruro uturuka mu bukerarugendo bwo gusura ingagi wiyongereyeho 25%

Ikigo cy'Igihugu gishinzwe iterambere (RDB) kivuga ko amafaranga ava mu bukerarugendo bwo gusura ingagi mu birunga yiyongereyeho 25% ava kuri miliyoni 131 mu madorali yariho mu 2020 agera kuri miliyoni 164 muri 2021. RDB yashyize ahagaragara iyo mibare ubwo hizihizwaga umunsi mpuzamahanga wahariwe ingagi wizihizwa buri tariki ya 24 Nzeri. Nk’uko RDB ibitangaza, miliyoni 164 z'amadorali y'Abanyamerika yakusanyijwe umwaka ushize ni ayaturutse mu bashyitsi b'abanyamahanga 512.000 baguze impushya zo gusura […]

September 28, 2022 127