Perezida Kagame yazamuye abasirikare bakuru ndetse bahabwa inshingano

Perezida Paul Kagame akaba n’Umugaba w’Ikirenga w’Ingabo z’u Rwanda, yazamuye mu ntera abasirikare bakuru ndetse bahabwa inshingano.

**Col Bakunzi Frank yagizwe ushinzwe ubufatanye mu bya gisirikare muri Ambasade y’u Rwanda mu Misiri**

Izi mpinduka zatangajwe kuri uyu wa Kane, tariki ya 29 Nzeri 2022, mu itangazo ryashyizwe hanze n’Ingabo z’u Rwanda, RDF.

Mu bazamuwe mu ntera harimo, Lt Col Emmanuel Ruzindana, Umuyobozi ushinzwe ibikorwa (DID), wazamuwe mu ntera ahabwa ipeti rya Colonel ndetse agirwa ushinzwe ubufatanye mu bya gisirikare muri Ambasade y’u Rwanda muri Uganda.

Lt Col Frank Bakunzi, wari Umuyobozi mukuru ushinzwe abakozi mu ishuri rya gisirikare rya Nyakinama, yazamuwe mu ntera agirwa Colonel nawe agirwa ushinzwe ubufatanye mu bya gisirikare muri Ambasade y’u Rwanda mu Misiri.

Iri tangazo rigaragaza ko abahawe inshingano barimo Brig. Gen John Baptist Ngiruwonsanga wagizwe Umuyobozi ushinzwe ibikorwa byo gushyigikira amahoro mu ngabo z’u Rwanda.

Lt Col Claudien Bizimungu yagizwe Umuyobozi wungirije wa Engineer Command, Lt Col Innocent Kayisire yagizwe Umuyobozi wa Horizon Logistics, Lt Col Jean Paul Munana yagizwe Commander Combat Engineer Brigade. mu gihe Lt Col Faustin Mfura yagizwe Umuyobozi wungirije wa Brigade ya Combat Engineer.

Izi mpinduka zigomba guhita zikurikizwa nk’uko iri tangazo ribivuga.

Written by: KT Radio Team

Rate it

Kiliziya gatolika izakomeza gusigasira inyubako z’ahahoze gereza nkuru ya Kigali

Kiliziya Gatolika igiye kwimurira katederali yayo ya St Michel ahahoze Gereza Nkuru ya Kigali izwi ku izina rya 1930, ariko Kiliziya izakomeza gusigasira igishushanyo mbonera cya gereza nk'ahantu ndangamurage. Muri Nyakanga 2018, nibwo itsinda rya nyuma ry'abagororwa bavuye muri iyi gereza aho bari bimuriwe muri gereza nshya ya Nyarugenge, yari imaze kuzura mu murenge wa Mageragere, mu karere ka Nyarugenge. Ibi byatumye ubutaka bwa hegitari 5.5 busigaye budafite ikibukorerwaho, nyuma […]

September 28, 2022 645