Ukraine: Umujyi wa Kyiv wagabweho igitero cya drone z’ubwiyahuzi

U Burusiya kuri uyu wa mbere bwagabye igitero ku murwa mukuru Kyiv wa Ukraine bukoresheje drone z’ubwiyahuzi zizwi nka “Kamikaze drones” zakorewe muri Iran gihitana nibura umuntu umwe, nkuko byavuzwe n’umuyobozi w’uwo mujyi Vitalii Klitschko.

**Imwe muri drones z’ubwiyahuzi yagaragaje mu murwa wa Kyiv**

Andriy Yermak, umuyobozi w’ibiro bya Perezida wa Ukraine Volodymyr Zelensky, yavize ko ibi bitero bya drone z’ubwiyahuzi bigaragaza ko u Burusiya bwatakaje ikizere.

“Kamikaze drones”, ni indege ntoya zitagira abapilote, zivugwa ko ari iz’ubwiyahuzi kuko zihita zisandarana n’ibisasu zitwaye.

Umuyobozi w’umujyi wa Kyiv Vitalii Klitschko yavuze ko inyubako zituwemo n’abantu zo mu gace kari rwagati mu mujyi zangiritse.

Ibiturika byo kuri uyu wa mbere byatangiye hafi saa kumi n’ebyiri n’iminota 30 za mu gitondo (6h30) ku isaha yo muri Ukraine, ni ukuvuga hafi saa kumi n’imwe n’iminota 30 (5h30) zo mu Rwanda.

Mu cyumweru gishize, umurwa mukuru wa Kyiv, wibasiwe n’ibisasu bya misile byinshi by’ Burusiya mu gihe cy’isaha za mu gitondo ubwo abantu baba bihutira kujya mu mirimo, mu gitero cyibasiye ibice byinshi bya Ukraine kigahitana abantu 19.

**Ifoto bivugwa ko ari ibice by’imwe muri izo drone z’ubwiyahuzi**

Written by: KT Radio Team

Rate it

Abantu barakangurirwa kumenya kwisuzuma Kanseri y’ibere

Minisitiri w’ubuzima, Dr Ngamije Daniel, yasabye abantu bose bazibonaho ibimenyetso bikurikira, kwihutira kujya kwa muganga kwisuzumisha Kanseri y’Ibere. Minisitiri Ngamije abwira abaturage ibimenyetso bya Kanseri y’ibereIkimenyetso cya mbere ni uko ibere rihinduka ugasanga rifite ibara ry’uruhuru, risa nk’iryigikarito cyanyagiwe, ukabona imoko y’ibere isa nkiyatebeyemo imbere aho kuba ishinze, cyangwa ukabona hari ibintu bivamo bishobora kuba bisa n’ururenda cyangwa amaraso. Ikindi kimenetso ni akabyimba gato kaba kari mu ibere imbere ndetse […]

October 17, 2022 48