Ukraine irasaba ko hakorwa iperereza ku ntwaro Irani yaba igurisha u Burusiya

Ukraine yasabye abahanga b’umuryango w’abibumbye, ONU, gukora iperereza ryimbitse ku bice by’utudege tutagira abapilote (Drones), Ukraine yemeza ko Irani yagurishije ku Burusiya.

Ukraine isobanura ko u Burusiya bwakoresheje utwo tudege mu kuminjagira ibisasu muri imwe mu Mijyi yayo. Ibindi birego bya Ukraine, birimo ko mu bucuruzi bw’utwo tudege ku Burusiya, Irani hari amategeko mpuzamahanga yirengagije.

Ijwi ry’Amerika, ritangaza ko ibi byose biri mu ibarwa Ukraine yoherereje ukuriye akanama ka ONU gashinzwe umutekano. Muri iyo barwa, Ukraine ikomeza isobanura ko kuva mu kwezi kwa mbere mu 2016, u Burusiya hari intwaro bwaguriraga muri Irani binyuze mu buryo bunyuranye n’amategeko ndetse n’ibihano amahanga yafatiye Irani.

Irani irahakana yivuye inyuma ko nta ntwaro, cyangwa drone yigeze iha u Burusiya.

Written by: KT Radio Team

Rate it

Perezida Kagame yakiriye Gen Muhoozi wasoje uruzinduko mu Rwanda

General Muhoozi, Umuhungu wa Perezida Museveni, usanzwe ari n’umujyanama we mu by’umutekano, yatangiye uruzinduko rwe rwihariye ku wa gatandatu tariki 15 Ukwakira 2022, ndetse kuri uwo munsi ku mugoroba yakirwa na Perezida Kagame. Gen. Muhoozi yaje mu Rwanda aherekejwe n’abarimo Umunyamakuru Andrew Mwenda. Uruzinduko Gen. Muhoozi yasoje ni urwa gatatu agiriye mu Rwanda muri uyu mwaka, nyuma y’urwa mbere rwabaye ku ya 22 Mutarama na 14 Werurwe 2022, mu rwego […]

October 19, 2022 133