OMS: Nta rukingo ruraboneka ku bwoko bwa Ebola yadutse muri Uganda

Ishami rya ONU rishinzwe ubuzima kw’isi, OMS, ritangaza ko abantu umunani mu banyuma banduye icyorezo cya Ebola muri Uganda, ntaho bigeze bahurira n’abanduye icyo cyorezo mbere.

OMS ivuga ko ibi biteye impungenge ku muvuduko w’ubwandu bwa Ebola, nuburyo icyo cyorezo kirimo gukwirakwizwa.

Ebola muri Uganda yadutse mu kwezi gushize kwa cyenda. Abamaze kwandura kugeza ubu ni 60, abo imaze guhitana barenga 20.

Ubwoko bwadutse muri Uganda bujya gusa neza n’ubwigeze kuboneka muri Sudani. Ndetse kugeza ubu inkingo n’imiti bihari ntibishobora guhangana n’ubwo bwoko.

OMS ifatanyije na Reta ya Uganda bakomeje kwiga uburyo bagerageza inkingo ebyiri zirimo rumwe ruri gukorerwa mu Bwongereza, n’urundi rwo muri Amerika.

Prezida wa Uganda aheruka kuvuga ko imwe mu myanzuro iki gihugu gishobora gufata mu rwego rwo guhangana n’icyo cyorezo, harimo na gahunda ya Guma murugo ku baturage batuye mu turere twamaze kugaragaramo abanduye, kubuza abantu guteranira mu bikorwa bihuza abantu benshi, nko mu nsengero n’ibirori.

Uturere tumaze kubonekamo abanduye ni Mubende na Kassanda.

Written by: KT Radio Team

Rate it

U Bwongereza: Liz Truss abaye Minisitiri w’Intebe mu mateka weguye nyuma y’igihe gito atowe

Liz Truss wari Minisitiri w’Intebe mu Bwongereza, yasezeye kuri uwo mwanya nyuma y’iminsi itarenga 45, ni ukuvuga ibyumweru bibarirwa muri bitandatu, yari amaze kuri izo nshingano. Liz Truss ubwo yatangazaga ubwegure bwe Liz Truss wari n’umuyobozi w’ishyaka ry’aba Conservative yeguye no ku buyobozi bw’iryo shyaka, dore ko umuyobozi waryo ari na we ugomba kuyobora Guverinoma. Liz Truss yavuze ko yeguye kuko abona nta bushobozi afite bwo kuyobora muri manda yatorewe. […]

October 20, 2022 80