Sudani: Mu minsi ibiri abantu 150 baguye mu makimbirane y’amoko

Abahitanywe n’amakimbirane y’amoko n’imiryango ashingiye ku butaka muri Sudani y’epfo yongeye kwaduka ku wa gatatu n’ejo kuwa kane muri icyo gihugu bageze ku 150.

Muri abo, harimo abana, abagore n’abageze mu za bukuru. Abakomerekeye muri ayo makimbirane bagera kuri 86. Benshi mu bakomeretse barimo abafise ibikomere byatewe n’amazu barimo yatwitswe.

Ishami rya ONU muri Sudani ryatanze iyo mibare, rivuga ko ibi bintu bihangayikishije.

Ryahamagariye abayobozi ba Sudani y’epfo kuja mu mizi y’ayo makimbirane amaze igihe bakayashakira umuti urambye.

Abashyamiranye ahanini ni abakomoka mu bwoko bw’aba Haoussa n’andi moko. Abo mu bwoko bw’aba Haoussa ahanini bakunze guteza imvururu bamagana itegeko ribabuza gutunga ubutaka. Bemeza ko barenganywa n’andi moko.

ONU ivuga ko kuva mu muri Mutarama kugera muri Nzeri, abari bamaze kugwa mu makimbirane nk’ayabaye ku wa gatatu n’ejo ku wa kane barenga 545. Abavuye mu byabo muri icyo gihe barenga ibihumbi 211.