Turukiya: Igisasu cy’umwiyahuzi cyahitanye 6, gikomeretsa abarenga 50

Perezida wa Turukiya Recep Tayyip Erdoğan, yavuze ko abantu batandatu bishwe, abandi hafi 50 barakomereka, nyuma y’aho igisasu giturikiye hagati ku murwa mukuru Istanbul, ku muhanda ubarizwaho amaduka menshi. Yavuze kandi ko hari ibimenyetso bigaragaza ko ari igitero cy’iterabwoba.

Visi Perezida, Fuat Oktay nawe yavuze ko uwaturikije icyo gisasu ari umugore. Abayobozi nta makuru yimbitse batanze kandi nta n’umutwe uriyitirira icyo gitero kugeza ubu.

Ibyo bisasu bikunze gushinjwa umutwe w’iterabwoba wa leta ya kisilamu, hamwe n’abarwanyi b’abakurde. Bimaze guhitana ubuzima bw’abantu hafi 500 n’abarenga 2,000 barakomereka.

Abategetsi batandukanye bo muri Amerika, u Bufaransa, Ukraine, u Bwongereza, u Bugeriki ndetse umuryango w’ubumwe bw’u Burayi banaganiye kure icyo gitero bavuga ko bifatanije n’imiryango yabuze abayo.

Written by: KT Radio Team

Rate it

Abayobozi ba EAC mu biganiro na Tshisekedi ku guhosha amakimbirane muri DRC

Kuri iki cyumweru ndetse no ku wa mbere, abayobozi b'Umuryango w'Afurika y'Iburasirazuba (EAC) bagomba guhura na Perezida wa DR Congo, Felix Tshisekedi, mu murwa mukuru Kinshasa mu biganiro byo ku rwego rwo hejuru ku makimbirane ari mu burasirazuba bw'iki gihugu. Ibi biganiro bitangajwe mu gihe imirwano ikaze yongeye kubura hagati y’ingabo za leta ya Congo (FARDC) n’umutwe w’inyeshyamba wa M23, aho ibitangazamakuru ryatangaje ko izi nyeshyamba zegereye cyane Goma, umurwa […]

November 13, 2022 96