Britney Griner icyamamarekazi muri Basketball wari imbohe mu Burusiya yarekuwe

Umunyamerikakazi w’icyamamare mu mukino w’intoki wa basketball, Brittney Griner, wari imbohe mu Burusiya yararekuwe.

Uyu mugore warumaze igihe afungiye muri kasho mu Burusiya, ku wa kane nibwo yarekuwe. Ni inyuma y’aho Amerika nayo irekuriye umurusiya, Viktor Bout wakora mu bucuruzi bw’imbunda akaba yari afungiwe muri Amerika.

Prezida Joe Biden yavuze ko ibi bikuyeho icyo yise amezi y’agahinda n’imibabaro uyu mugore yaramaze iminsi arimo.

Uko guhanahana imbobe kwabayeho nyuma y’ibiganiro byari bimaze amezi hagati y’ibyo bihugu byombi.

Griner, yafashwe mu cyumweru kimwe mbere y’uko u Burusiya butera Ukraine. Yari yakatiwe gufungwa imyaka ine mu rubanza rwabaye muri Kanama ashinjwa kuba yari afi
atanywe ndetse aninjiza ibiyobyabwenge mu Burusiya.

Prezida Biden yavuze ko Amerika izakomeza gukora ibishoboka kugirango ibohoze na Paul Whelan, wahoze mu gisirikare cya Amerika, nawe ufungiwe mu Burusiya.