Intara z’u Burundi zigiye kuba 5 zivuye kuri 18

Inteko Ishinga Amategeko y’u Burundi yemeje ku wa kane, ijana kw’ijana, umushinga w’itegeko rigenga isubirwamo ry’imbibi z’intara, amakomine n’amazone mu rwego rwo kwegereza ubutegetsi abaturage.

Nk’uko biri muri uwo mushinga w’itegeko wemejwe ku wa 15 Ukuboza 2022, Intara z’u Burundi zigiye kuba 5 mu gihe zari 18. Izo ni Bujumbura, Gitega, Butanyerera, Buhumuza na Burunga.

Izo ntara eshanu zizaba zigizwe n’amakomine 42 mu gihe yari 119, amazone 450 n’imitumba (utugari) 3,041.

Nubwo abagize Inteko Ishinga Amategeko bemeje ijana kw’ijana uwo mushinga w’itegeko, babanje kugaragaza imbogamizi zawo nk’uko Ijwi ry’Amerika ribitangaza.

Written by: KT Radio Team

Rate it

Ngoma: Babiri bakurikiranyweho gucuruza amahembe y’Inzovu

Ku wa 14 Ukuboza 2022 Ubushinjacyaha ku rwego rwisumbuye rw'akarere ka Ngoma bwaregeye Urukiko dosiye bukurikiranyemo abagabo bafashwe bacuruza amahembe y’ inzovu. Ku bufatanye bw' inzego z' ibanze n' abaturage baturiye hafi ya Pariki y' Akagera, hafashwe abagabo babiri bafite amahembe y' inzovu bashaka abayagura. Ibi byabaye tariki ya 02 Ukuboza 2022, mu mudugudu wa Rwakigeri, Akagari ka Cyinzovu, Umurenge wa Kabarondo, Akarere ka Kayonza, aho ayo mahembe yari afite […]

December 16, 2022 145