Frank Lampard wari umutoza wa Everton yirukanywe

Ikipe ya Everton yo mu Cyiciro cya Mbere mu Bwongereza, yamaze gutandukana n’uwari umutoza wayo Frank Lampard kubera kudatanga umusaruro.

**Frank Lampard ntakiri umutoza wa Everton**

Impamvu nyamukuru yo kwirukanwa k’umutoza Frank Lampard ishingiye ku musaruro utarashimishije abayobozi ba Everton ndetse byumwihariko nyuma yo gutsindwa na West Ham United ku wa Gatandatu ibitego 2-0.

Bivugwa ko Farhad Moshiri akaba ari we ufite umugabane munini muri Everton yagiranye ibiganiro n’ubuyobozi bw’iyi kipe ku byerekeye ku hazaza h’umutoza wayo Frank Lampard n’abashobora kuzasimbura uyu mwongereza wahoze ari umukinnyi mu kibuga hagati.

Lampard w’imyaka 44, yirukanywe yari amaze igihe kitageze ku mwaka dore ko yahawe akazi muri Mutarama 2022 asimbuye Rafael Benitez ubwo Everton yari ku mwanya wa 16, ayifasha kutamanuka mu cyiciro cya kabiri (Championship).

Frank Lampard atandukanye na Everton ayisize ku mwanya wa 19 n’amanota 15 inganya na Southampton ya nyuma, ndetse mu mikino igera kuri 12 ya shampiyona y’u Bwongereza yarimaze gukina yatsinzwemo imikino icyenda. Asize kandi Everton mu bindi bikombe bikinirwa mu Bwongereza yaba Carabao Cup na FA Cup, yose yaramaze gusezererwa.

Written by: KT Radio Team

Rate it

Bamporiki yakatiwe gufungwa imyaka itanu

Urukiko rwisumbuye rwa Nyarugenge kuri uyu wa Mbere tariki ya 23 Mutarama 2023, rwakatiye Bamporiki Edouard wahoze ari Umunyamabanga wa Leta muri Minisiteri y’Urubyiruko n’Umuco, gufungwa imyaka 5 n’ihazabu ya Miliyoni 30 z’Amafaranga y’u Rwanda. Ni umwanzuro wafashwe n'urukiko nyuma yo kumuhamya ibyaha bifitanye isano na ruswa mu gukoresha ububasha ahabwa n'itegeko mu nyungu ze bwite. Urukiko rwavuze ko rwamugabanyirije ibihano ngo kuko yemeye ibyaha kandi akabisabira imbabazi. Muri Nzeri […]

January 23, 2023 65