Abana 200 basabaga ubuhungiro mu Bwongereza baburiwe irengero

Abana bagera Kuri 200 basabaga ubuhungiro mu Bwongereza barimo abafite hagati y’imyaka 16 baburiwe irengero muri hoteli bari bacumbikiwemo by’agateganyo.

Ibi byahise bizamura ibibazo bishya ku bijyanye n’uburyo Minisiteri Ishinzwe impunzi n’abimukira ikomeje kwitwara mu bihe iki gihugu cyaba cyakiriye impunzi n’abasaba ubuhungiro bashya.

Leta ya Minisitiri w’Intebe, Rishi Sunak, isumbirijwe ku bibazo bibiri by’abimukira, aho bamwe bavuga ko yananiwe kurinda imbibi z’u Bwongereza zikomeje kuvogerwa n’abimukira bakoresheje amato matoya.

Abandi bavuga ko reta itarimo kwita uko bikwiye abagera mu gihugu mu buryo bukurikije amategeko.

Minisitiri ushinzwe abinjira n’abasohoka mu gihugu, Robert Jenrick, ku wa kabiri yahamagajwe n’abagize Inteko Ishinga Amategeko gusobanura ayo makuru y’abana baburiwe irengero.

Jenrick yavuze ko 88% y’abo bana baje baturuka mu gihugu cya Albaniya. Yavuze ko reta yakoze uko ishoboye mu kubarinda.

Imibare y’’abimukira bagera mu Bwongereza baciye mu nzira z’amazi yariyongereye mu myaka ibiri ishize. Imibare itangwa na reta yerekana ko abaturuka muri Albaniya ari bo bagize umubare munini w’abaca muri uwo muhora