Perezida Paul Kagame yageze i Addis Ababa muri Ethiopie, kuri uyu wa Kane tariki 16 Gashyantare 2023, aho yitabiriye Inama isanzwe ya 36 y’Abakuru b’Ibihugu na za Guverinoma zigize Umuryango wa Afurika Yunze Ubumwe.
Biteganyijwe ko iyi nama izatangira ku wa 18-19 Gashyantare mu 2023. Abakuru b’Ibihugu na za Guverinoma bazitabira iyi nama bazasuzumira hamwe zimwe muri gahunda zigamije kurushaho guteza imbere imibereho myiza y’abaturage ba Afurika.
Aba bayobozi kandi bazarebera hamwe ibikorwa by’akanama gashinzwe amahoro n’umutekano mu gushyira mu bikorwa zimwe mu ntego za AU, byumwihariko intambwe yatewe ku ntego yari yemeranyijwe yo gucecekesha imbunda kuri uyu mugabane.
Mu 2020 nibwo hateranye Inteko Rusange ya 33 y’Umuryango wa Afurika yunze ubumwe, yari ifite insanganyamatsiko igira iti « Silencing the guns » Ugenekereje mu Kinyarwanda bivuze «gucecekesha imbunda».
Indi ngingo izagarukwaho n’ijyanye na politike mpuzamahanga, imari n’ingufu ku isi ndetse n’ikibazo gihangayikishije uyu mugabane kijyanye n’ibura ry’ibiribwa.
Mu rwego rw’ubuzima, hazarebwa uburyo umuryango w’Afurkia yunze ubumwe witwaye mu guhangana n’icyorezo cya COVID-19, ndetse no gushyiraho umuyobozi w’Ikigo Nyafurika gishinzwe kurwanya indwara n’ibyorezo, Africa CDC.
Gahunda y’ishyirwa mu bikorwa ry’amasezerano y’Isoko Rusange rya Afurika nuburyo yakwihutishwa, nabyo biri mu bizaganirwaho ndetse n’ibibazo bijyanye n’imihindagurikire y’ibihe.
Umuvugizi wungirije wa Guverinoma y’u Rwanda, Alain Mukuralinda, avuga ko u Rwanda rudakeneye gushorwa mu ntambara zitari ngombwa, kandi ko rushyigikiye inzira y’ibiganiro nk’umuti watuma ibibazo biri mu Burasirazuba bwa Congo bikemuka. Mukuralinda yavuze ko u Rwanda rutifuza intambara Yabitangaje ku wa Gatatu tariki ya 15 Gashyantare 2023, mu kiganiro yagiranye na RBA, avuga ko u Rwanda rudashaka intambara kandi ko Congo yagombye guhagarika ibikorwa by’ubushotoranyi. Abivuze nyuma y’uko ku […]
Post comments (0)