Umuvugizi wungirije wa Guverinoma y’u Rwanda, Alain Mukuralinda, avuga ko u Rwanda rudakeneye gushorwa mu ntambara zitari ngombwa, kandi ko rushyigikiye inzira y’ibiganiro nk’umuti watuma ibibazo biri mu Burasirazuba bwa Congo bikemuka.
Mukuralinda yavuze ko u Rwanda rutifuza intambara
Yabitangaje ku wa Gatatu tariki ya 15 Gashyantare 2023, mu kiganiro yagiranye na RBA, avuga ko u Rwanda rudashaka intambara kandi ko Congo yagombye guhagarika ibikorwa by’ubushotoranyi.
Abivuze nyuma y’uko ku wa Gatatu tariki 15 Gashyantare 2023, abasirikare ba Congo (FARDC) binjiye ku butaka butagira nyirabwo ku mupaka w’ibihugu byombi i Rusizi, bakarasa ku mupaka w’u Rwanda, ingabo zarwo zikabasubiza bagasubira iwabo.
Ati “Nta ntambara dushaka ariko Congo nidutera tuzitabara, kuko bimaze kugaragara kenshi idushotora. Icyo twabwira Abanyarwanda ni uko nta ntambara ihari, nta ntambara dushaka ariko niba u Rwanda rutewe ruzitabara, niba rushowe mu ntambara ruzayirwana, biriya rero ni ubushotoranyi bukomeje.”
Mukuralinda yavuze ko Guverinoma ya Congo ikomeje gushotora u Rwanda, nk’ikimenyetso cy’uko idashaka ko ikibazo cyo mu Burasirazuba bwayo kibonerwa umuti.
Ati “Binahura n’ibyo tumaze iminsi tuvuga ko iyo tugiye mu masezerano ya Luanda, ibyo Congo isabwa byose ntabyo yakoze, niba rero ntabyo ikoze ikabona nta gihinduka, irimo iragerageza gushotorana.”
Si ubwa mbere ubushotoranyi nk’ubu bubaye ku ruhande rw’Ingabo za Congo, kuko muri Kamena 2022, umusirikare wayo yarashwe ubwo yinjiraga ku mupaka wa ‘Petite Barrière’ mu Karere ka Rubavu, arasa ku bapolisi bari mu kazi k’umutekano no ku baturage bambukaga umupaka.
Mu Ugushyingo 2022, umusirikare wa RDC yarasiwe ku butaka bw’u Rwanda nabwo yarenze imbibi.
Mu bihe bishize kandi indege y’intambara ya RDC yinjiye mu Rwanda inshuro nyinshi, ndetse iza kuraswaho, isubira inyuma.
Alain Mukuralinda asanga ko ibi bikorwa byose bigamije gushotorana, ariko u Rwanda rugakomeza kubyitwaramo neza rushyira imbere inyungu zo kurinda umutekano n’ubusugire bwarwo.
Abaturage bo mu Mirenge ya Gitega, Kimisagara na Muhima mu Karere ka Nyarugenge baravuga ko biteze iterambere ku mushinga wo kuvugurura imiturire mu duce batuyemo. Ni umushinga watangijwe n’abayobozi mu nzego zitandukanye Muri uyu mushinga hazibandwa cyane ku kuvugurura ibikorwa remezo bitandukanye birimo imihanda, amasoko, kubaka ibibuga by’imyidagaduro n’ibindi bikorwa remezo bitandukanye bishobora gufasha abaturage mu buzima bwabo bwa buri munsi. Ni umushinga watangijwe na Minisiteri y’Ibikorwa Remezo (MININFRA) ku […]
Post comments (0)