Imibumbe itanu yagaragaye iri ku murongo umwe n’Ukwezi

Imibumbe iatnu irimo Mercury, Jupiter, Venus, Uranus, Mars, n’Ukwezi yari ku murongo umwe w’igice cy’uruziga mu ijoro ryo kuwa mbere, kandi ibi bamwe babashije kubirebesha amaso yonyine.

Ibi byabaye mu ijro ryo ku wa mbere tariki 27 Werurwe, kenshi byitwa “akarasisi k’imibumbe” byagaragaye ubwo izuba ryari rirenze mu gice cy’isi cyo mu burengerazuba.

Ababashaga kureba neza ahirengeye mu kirere gicyeye babonaga neza ako “karasisi”.

Mu mpeshyi ishize imibumbe ya Mercury, Venus, Mars, Jupiter, na Saturn nayo yatoye umurongo ndetse ababibonye byabaye mu rukerera, ibyo bikaba byaraherukaga mu 2004 ndetse bizongera mu 2040.

Uburyo bwiza ku babashije kureba iyi mibumbe mu ijoro ryacyeye byasabaga kujya kure y’amatara yo mu mijyi, ahantu hirengeye hari ikirere gicyeye kidafite ibindi bikimuritsemo.

Ababashije kureba ibi, byabasabye kubireba hakiri kare ku mugoroba w’ejo kuko imibumbe ya Mercury na Jupiter yahise irenga ntiyongera kugaragara.

Abo mu gice cy’amajyaruguru y’igihugu cya Ecosse bari mu bagize amahirwe yo kureba neza cyane ‘aka karasisi’ kubera ikirere cyaho gicyeye.