Lisanne Ntayombya yahawe inshingano muri Perezidansi ya Repubulika

Lisanne Ntayombya kuri uyu wa 6 Mata 2023, yagizwe Umuyobozi Mukuru wungirije ushinzwe Porotokole ya Leta muri Perezidansi ya Repubulika y’u Rwanda.

Itangazo ryaturutse mu Biro bya Minisitiri w’Intebe, rivuga ko Lisanne Ntayombya yahawe izo nshingano hashingiwe ku biteganywa n’Itegeko Nshinga rya Repubulika y’u Rwanda, ryo mu 2003 ryavuguruwe mu 2015, cyane cyane mu ngingo yaryo ya 112.

Lisanne Ntayombya yari asanzwe ari umukozi wa Ambasade y’u Rwanda mu Muryango w’Abibumbye, mu biro by’i Genève mu Busuwisi, aho yari ashinzwe Itumanaho n’Ububanyi n’Amahanga, akaba yarahakoze kuva mu 2011.

Ntayombya agiye kungiriza Moses Rugema, wagiye kuri uyu mwanya wo kuba Umuyobozi Mukuru ushizwe Porotokole ya Leta muri Perezidansi ya Repubulika y’u Rwanda, kuva muri Gicurasi 2020.

Written by: KT Radio Team

Rate it

Ntibisanzwe: Muri Nigeria isake yatsinzwe urubanza rwo gusakuriza abaturanyi

Muri Nigeria, Urukiko rwategetse ko kuri uyu wa Gatanu isake ibagwa nyuma y'uko abaturanyi batanze ikirego ko ibasakuriza, nkuko ibitangazamakuru byaho byabitangaje. Urukiko rwo mu mujyi wa Kano mu majyaruguru ya Nigeria rwatangaje ko iyo sake ibangamiye abaturanye na yo kubera kubika kwayo kwa buri kanya, nkuko byatangajwe n'urubuga rwa Premium Times. Abaturanyi babiri bavuze ko bibabuza gusinzira. Yusuf Muhammed, umwe muri abo baturanyi bayo, yabwiye urukiko ko kubika ubutaruhuka […]

April 6, 2023