Nigeria yabaye igihugu cya kabiri cyemeje urukingo rwa malaria

Nigeria yemeje ikoreshwa ry’urukingo rushya rwa malaria rwakozwe n’abahanga muri siyansi bo kuri Kaminuza ya Oxford yo mu Bwongereza.

Iki gihugu cyemeje uru rukingo nyuma y’iminsi mike Ghana ibaye igihugu cya mbere ku isi cyemeje ikoreshwa ry’uru rukingo, ruzwi nka R21.

Umuyobozi mukuru w’ikigo cya Nigeria kigenzura ubuziranenge bw’ibiribwa n’imiti, Mojisola Adeyeye, yavuze ko urwo rukingo ruzakoreshwa mu kurinda malaria abana bafite hagati y’amezi atanu n’imyaka itatu cyane ko aribo bazahazwa cyane na malaria.

Kwemeza ikoreshwa ry’uru rukingo ntibisanzwe kuko bibayeho mbere yuko hatangazwa ibyavuye mu igeragezwa rya nyuma ry’uru rukingo, aho byibazwa ko rukingira malaria ku gipimo cya 80%.

Nigeria ni yo ifite umubare wa mbere munini ku isi w’abantu bicwa na malaria.

Iyi ndwara yica abantu barenga 6,000 ku isi buri mwaka, aho benshi muri bo ari abana bo muri Afurika yo munsi y’ubutayu bwa Sahara.