Perezida wa Leta zunze ubumwe z’Amerika, Joe Biden, yitezwho gutangaza ko aziyamamariza manda ya kabiri y’umukuru w’igihugu mu matora ategerejwe umwaka utaha.
Perezida Joe Biden arateganywa kwiyamamariza manda ya Kabiri
Abantu batandukanye begereye bya hafi Perezida Biden, batangarije ibigo n’ibitangazamakuru bitandukanye ko ashobora kubitangaza ku mugaragaro kuri uyu wa kabiri, tariki ya 25 Mata.
Ibi ntibyari ibanga kuko kuko inshuro nyinshi yagiye avuga ko ashaka kongera kwiyamamaza. Ariko abajyanama be bavuga ko yabonaga atari gombwa kwihutira kubyerura ku mugaragaro kubera ko atigeze ashidikanya ko ishyaka rye ry’Abademokarate ari we rizagira umukandida waryo.
Joe Biden afite imyaka 80 y’amavuko. Ni we perezida w’Amerika wa mbere mu mateka ukuze. Abasesenguzi mu bya politiki bavuga ko bishobora gutera impungenge abayoboke be, bibaza niba azabasha kuyobora uko bikwiye aramutse yongeye gutorwa, nubwo yakunze kugaragaza ko nta kibazo.
Abajyanama be bashyira imbere ibikorwa bye, aho bemeza ko bizamuhesha amanota. Mu myaka ibiri ya mbere y’iyi manda ye, yabashije gushyiraho amategeko ashyira ingengo y’imari nini cyane mu bikorwa byo gusana no kubaka ibikorwaremezo, ikoranabuhanga, n’ihindagurika ry’ibihe.
Perezida wa Repubulika y’u Rwanda Paul Kagame, ari mu Bakuru b’Ibihugu batanu bazitabira Inama ya Transform Africa 2023, yiga ku Iterambere ry’Ikoranabuhanga muri Afurika izabera mu mujyi wa Victoria Falls muri Zimbabwe taliki ya 26-28 Mata 2023. Perezida Kagame uri mu bazatanga ikiganiro azitabira iyi nama ari kumwe n'abandi bayobozi barimo Perezida wa Zimbabwe Emmerson Mnangagwa, Perezida wa Malawi Lazarus Chakwera, Umwami Mswati III wa Eswatini na Perezida wa Zambia […]
Post comments (0)