Umuhanzi Bruce Melodie yagaragaje ko ari mu gahinda yatewe no kubura Nyirakuru witabye Imana.
Bruce Melodie yatangaje ko Nyirakuru yitabye Imana
Bruce Melodie uri mu bahanzi bagezweho muri iyi minsi mu muziki w’u Rwanda, yatangaje inkuru y’urupfu rw’uyu mubyeyi abinyujije ku mbuga ze nkoranyambaga aho yagize ati: “Ruhukira mu mahoro nyogokuru. Ngukunda n’ubugingo bwanjye bwose.”
Uyu muhanzi uri kubarizwa muri Nigeria, nta byinshi yatangaje ku rupfu rwa Nyirakuru. Gusa bivugwa ko yitabye Imana mu ijoro ryo ku wa 23 rishyira ku wa 24 Mata 2023.
Bruce Melodie n’ikipe bakorana ari muri Nigeria, kuva ku wa Kane tariki 20 Mata, aho amaze iminsi mu bikorwa bitandukanye bijyanye n’akazi ke ka muzika.
Uyu muhanzi akigera i Lagos yakiriwe na DJ Neptune ndetse anasura igitangazamakuru gikomeye mu bijyanye n’imyidagaduro ‘MTV Base West’.
Uretse ibyo kandi mu ijoro ryo ku wa 21 Mata 2023, Bruce Melodie uri kumwe n’umujyanama we Coach Gael na Producer Element bitabiriye igitaramo cyo kumurika indirimbo ‘Count your blessings’ ya DJ Neptune na Spyro.
Bruce Melodie ni umwana wa kabiri mu muryango w’abana bane, ndetse apfushije Nyirakuru nyuma y’imyaka 11 abuze Nyina umubyara witabye Imana muri Nzeri 2012, azize urupfu rutunguranye, naho se akaba yarapfuye Bruce Melodie afite imyaka itandatu y’amavuko.
Perezida wa Leta zunze ubumwe z'Amerika, Joe Biden, yitezwho gutangaza ko aziyamamariza manda ya kabiri y'umukuru w'igihugu mu matora ategerejwe umwaka utaha. Perezida Joe Biden arateganywa kwiyamamariza manda ya Kabiri Abantu batandukanye begereye bya hafi Perezida Biden, batangarije ibigo n’ibitangazamakuru bitandukanye ko ashobora kubitangaza ku mugaragaro kuri uyu wa kabiri, tariki ya 25 Mata. Ibi ntibyari ibanga kuko kuko inshuro nyinshi yagiye avuga ko ashaka kongera kwiyamamaza. Ariko abajyanama be […]
Post comments (0)