FERWAFA yabonye ubuyobozi bw’Inzibacyuho

Kuri uyu wa Mbere, Inama y’Inteko rusange idasanzwe yateranye, yemeje ko Habyarimana Marcel Matiku ari we ukomeza kuyobora FERWAFA mu gihe kingana n’iminsi 39.

**Habyarimana Marcel Matiku yatorewe kuyobora FERWAFA mu nzibacyuho y’iminsi 39**

Yari Inteko Rusange iteranye nyuma y’uko ubwegure bw’abari bagize Komite Nyobozi bwasize abasigaye batakigera kuri 2/3 kandi itegeko rivuga ko mu gihe batageze kuri uwo mubare nta cyemezo bashobora gufata, bityo komite yose igaseswa.

Abanyamuryango b’Ishyirahamwe ry’Umupira w’Amaguru mu Rwanda bitabiriye iyi nama babanje gusobanurirwa icyo amategeko ateganya na bo batanga ibitekerezo byabo maze bemeza ko Habyarimana Marcel Matiku wari usanzwe ari Visi Perezida muri Komite yasheshwe ari we wakomeza n’ubundi kuyobora inzibacyuho aho azafatanya na Mudaheranwa Youssuf usanzwe ari umuyobozi w’ikipe ya Gorilla FC ndetse na Munyankaka Ancilla wo mu ikipe ya Inyemera FC.

**Uhereye ibumoso Munyankaka Ancilla, Umunyamabanga Mukuru w’Umusigire Jules Karangwa, Habyarimana Marcel Matiku na Mudaheranwa Youssuf**

Ubuyobozi bw’inzibacyuho bwashyizweho buzayobora igihe kingana n’iminsi 39 izageza tariki 24 Kamena 2023 ubwo hazaba Inteko rusange izatorerwamo Komite Nyobozi nshyashya izayobora FERWAFA mu gihe cy’imyaka ine iri imbere.

Written by: KT Radio Team

Rate it

Rutsiro: Batanu bafunzwe bakekwaho kwiba imfashanyo zagenewe abahuye n’ibiza

Aba DASSO babiri, umushoferi utwara imodoka y’Akarere ka Rutsiro n’abakozi 2 n’abandi b’akarere, batawe muri yombi nyuma yo gukekwaho kwiba imfashanyo yagenewe imiryango yibasiwe n’ibiza. Ibiro by’Akarere ka Rutsiro Umuyobozi w’Akarere ka Rutsiro, Triphose Murekatete, yatangarije Kigali Today ko abo bantu batawe muri yombi tariki 14 Gicurasi 2023, nyuma yo kumenya amakuru ko bibye imfashanyo y’imyenda n’inkweto byari bigenewe imiryango yibasiwe n’ibiza, bakaba bafungiye kuri sitasiyo ya RIB ya Gihango. […]

May 15, 2023