Umwirabura Tim Scott agiye kwiyamamariza kuyobora Amerika

Senateri Tim Scott, umwirabura rukumbi wo mu ishyaka ry’Abarepubulikani yatangaje ku mugaragaro ko aziyamamariza umwanya w’umukuru w’igihugu.

Tim Scott afite imyaka 57 y’amavuko. Ni we Musenateri uhagarariye leta ya South Carolina, iri mu majyepfo y’uburasirazuba bwa Leta zunze ubumwe z’Amerika.

Abaye umukandida wa gatandatu mu ishyaka ry’Abarepubulikani. Gusa kugeza ubu uzwi cyane muri bo ni Donald Trump wabaye umukuru w’igihugu manda imwe y’imyaka ine kuva mu 2017 kugera mu 2021.

Amatora y’ijonjora mu ishyaka ku umukandida ugomba guhatana mu matora y’umukuru w’igihugu azaba kuva mu kwezi kwa kabiri kugera mu kwa gatandatu 2024. Aya matora azavamo uzarihagararira iri shayaka mu matora y’umukuru w’igihugu mu k’Ugushyingo 2024.

Kugeza aho abo bakandida bo mu ishyaka ry’Abarepubulikani bahagaze, Trump ni we uhabwa amahirwe cyane kurusha abandi n’ubwo afite ibibazo mu nkiko.

Mu ishyaka ry’Abademokarate, abakandida bamaze kumenyekana ni batatu, barimo Perezida Joe Biden. Naryo rikazakoresha amatora y’amajonjoro kuva mu kwa kabiri kugera mu kwa gatandatu 2024.

Written by: KT Radio Team

Rate it

Polisi yakomereje ubukangurambaga bw’Umutekano wo mu muhanda mu mashuri

Ku wa Mbere tariki ya 22 Gicurasi, Polisi y’u Rwanda yakomereje ubukangurambaga bwa ‘Gerayo Amahoro’ mu mashuri abanza n'ayisumbuye, aho amashuri agera ku 122 yo mu turere dutandukanye tw'igihugu yagejejweho ubutumwa bwo kwirinda impanuka. Higishijwe kandi ingeri zose z’abakoresha umuhanda zibutswa uruhare rwabo mu kunoza ingamba zo gukumira impanuka. Mu Mujyi wa Kigali, ubukangurambaga bwakorewe mu mashuri 20, mu Ntara y'Iburasirazuba bukorerwa mu amashuri 36, bukorerwa mu mashuri 30 yo […]

May 23, 2023