RDC: Umusirikare yarashe abantu 13

Mu burasirazuba bwa Repubulika ya demokarasi ya Congo umusirikare ku Cyumweru yarashe amasasu ku baturage bari bagiye gushyingura yica abantu 13 barimo abana 9.

Byatangajwe n’inzego z’igisirikare n’iz’ubuyobozi z’aho byabereye mu cyaro cy’ahitwa Nyakova ku nkengero z’ikiyaga cya Albert mu Ntara ya Ituri yo muri Kivu y’Amajyaruguru.

Umuvugizi w’igisirikare muri iyo Ntara, Jules Ngongo, yabwiye ibiro ntaramakuru by’Abongereza, Reuters, ko amatsinda y’abasirikare yatangiye gushakisha uwo mugabo, kandi batangiye iperereza ku byabaye.

Uwo mugabo utatangajwe amazina, ni umwe mu basirikare ba leta ya Kongo barwanira mu mazi.

Umuyobozi w’agace byabereyemo, Oscar Baraka Muguwa, yemeje ko abantu 13 barimo aband 9 baguye muri ubwo bwicanyi, avuga ko uwo musirikare yari yarakajwe n’uko abaturage bari bagiye kumushyingurira umwana atarahagera