Leta y’u Bufaransa yatangaje ko itazihanganira ikintu cyose kizabangamira abaturage b’abwo cyangwa inyungu zabwo muri Niger.
Ibyo u Bufaransa bwabitangaje mu gihe hanze y’Ambasade yabwo i Niamey mu murwa mukuru wa Niger hari uruhuri rw’abigaragambya bashyigikiye ubutegetsi bwa gisirikare buhertse guhirika ubutegetsi bwa Perezida Mohamed Bazoum.
Ibiro bya Perezida Emmanuel Macron w’u Bufaransa byatangaje ko azahangana n’ikintu icyo ari cyo cyose kizabangamira u Bufaransa n’inyungu zabwo. Mu buryo butaziguye itangazo ryavuye mu biro bye ryavuze ko u Bufaransa buzahangana n’uzagaba igitero ku badiplomate babwo, ingabo zabwo cyangwa ibikorwa by’ubucuruzi by’Abafaransa muri Niger.
Iryo tangazo rivuga ko Perezida Macron yavuganye na Mohamed Bazoum wahiritswe ku butegetsi ndetse na Mahamadou Issoufou na we wigeze kuba Perezida wa Niger. Rivuga ko bombi bamaganye ihirikwa ry’ubutegetsi bagasaba ko habaho ituze mu gihugu.
Ku wa gatandatu u Bufaransa bwatangaje ko bucanye umubano na Niger busaba ko Muhamed Bazoum yasubizwa ku butegetsi.
Nijeri n’u Bufaransa bisanzwe bifitanye ubufatanye mu byerekeye umutekano. Ni umubano kandi iki gihugu gifitanye na Leta zunze ubumwe z’Amerika zakoresheje ubutaka bwayo mu guhangana n’intagondwa za Kiyisilamu mu karere k’uburengerazuba bw’Afurika n’Afurika yo hagati ndetse n’akarere ka Sahel muri rusange.
Bamwe mu bagize Itsinda ry’umutwe w’ingabo na Polisi washyiriweho gutabara mu Karere k'Afurika y’Iburasirazuba (EASF), basoje amahugurwa bari bamazemo iminsi itanu yaberaga mu murenge wa Kagarama mu Karere ka Kicukiro. Ubwo yasozaga aya mahugurwa ku mugaragaro, umuyobozi wa Polisi wungirije ushinzwe ubutegetsi n’abakozi (DIGP) Jeanne Chantal Ujeneza, yashimiye abapolisi bayitabiriye ubwitange n’umurava bagaragaje mu gihe bamaze muri aya mahugurwa. Yavuze ati: “Nzi neza ko iminsi itanu mumaze muri aya mahugurwa […]
Post comments (0)